The University of Michigan Library provides access to these materials for educational and research purposes. These materials are in the public domain. If you have questions about the collection, please contact [email protected]. If you have concerns about the inclusion of an item in this collection, please contact [email protected].
DPLA Rights Statement: No Copyright - United States
[verse 2] Blessid is he that vndurstondith `on a [of the I. vpon a K.] nedi man and pore; the Lord schal de|lyuere
hym in the yuel dai. [verse 3] The Lord kepe hym, and quykene hym, and make hym blesful in the lond; and bitake not hym in to the wille of his enemyes. [verse 4] The Lord bere help to hym on the bed of his sorewe; thou hast ofte turned al his bed stre in his sijknesse. [verse 5] I seide, Lord, haue thou mercy on me; heele thou my soule, for Y synnede aȝens thee. [verse 6] Myn enemyes seiden yuels to me; Whanne schal he die, and his name schal perische? [verse 7] And if he entride for to se, he spak veyn thingis; his herte gaderide wickidnesse to hym silf. [verse 8] He ȝede with out forth; and spak to the same thing [ende I.] . Alle myn enemyes bac|bitiden pryuyli aȝens me; aȝens me thei thouȝten yuels to me. [verse 9] Thei ordeineden an yuel word aȝens me; Whether he that slepith, schal not leie to, that he rise aȝen? [verse 10] For whi the man of my pees, in whom Y hopide, he that eet my looues; made greet disseit on me. [verse 11] But thou, Lord, haue merci on me, and reise me aȝen; and Y schal ȝelde to hem. [verse 12] In this thing Y knew, that thou woldist me; for myn enemye schal not haue ioye on me. [verse 13] Forsothe thou hast take me vp for ynnocence; and hast confermed me in thi siȝt with outen ende. [verse 14] Blessid be the Lord God of Israel, fro the world and [Om. GK. pr. m. i.] in to the [Om. G.] world; be it doon, be it doon.