The Holy Bible, containing the Old and New Testaments, with the Apocryphal books,

PSALM II. [The secounde salm [Om. IK.] [A glos. The secounde salm, that hath no title in Ebreu, and in Jeromes translacioun, was maad of Dauith, as the postlis wit|nessen in iiij. chapitre of De|dis. C et alii. This secunde psalm is vndir|stondun of Crist, God and man. V.] .]

[verse 1] Whi gnastiden with teeth hethene men; and puplis thouȝten veyn thingis? [verse 2] The kyngis of erthe stoden togidere; and princes camen togidere aȝens the Lord, and aȝens his Crist? [verse 3] Breke we the bondis of hem; and cast we awei the ȝok of hem fro vs. [verse 4] He that dwellith in heuenes schal scorne hem; and the Lord schal bimowe hem. [verse 5] Thanne he schal speke to hem in his ire [wraththe I.] ; and he schal disturble hem in his stronge veniaunce. [verse 6] Forsothe [Sothely I.] Y am maad [ordeyned I.] of hym a kyng on [up on I.] Syon, his hooli hil; prechynge his comaundement.

[verse 7] The Lord seide to me, Thou art my sone; Y haue gendrid [goten I.] thee to dai. [verse 8] Axe thou of me, and Y schal ȝyue to thee hethene men thin [to thin S.] eritage; and thi possessioun the termes of erthe. [verse 9] Thou schalt gouerne hem in an yrun ȝerde; and thou schalt breke hem [hem to gidere I.] as the vessel of a pottere. [verse 10] And now, ȝe kyngis, vndurstonde; ȝe that demen the erthe, be [be ȝe IK.] lerud [lerned D et alii.] . [verse 11] Serue ȝe the Lord with [in I.] drede; and make ȝe ful [ful out K sec. m.] ioye to hym with tremblyng. [verse 12] Take ȝe lore [lore of chastisyng I.] ; lest the Lord be wrooth [wraththid I.] sumtyme, and lest [Om. I.] ȝe perischen fro iust [the iust I.] waie. [verse 13] Whanne his `ire brenneth [wraththe shal brenne I.] out in schort tyme; blessed ben alle thei, that tristen in hym.