The University of Michigan Library provides access to these materials for educational and research purposes. These materials are in the public domain. If you have questions about the collection, please contact [email protected]. If you have concerns about the inclusion of an item in this collection, please contact [email protected].
DPLA Rights Statement: No Copyright - United States
Lord, Y schal crye to thee; my God, be thou not stille [ony tyme S.] fro me, be thou not stille `ony tyme [Om. S.] fro me; and Y schal be maad
lijk to hem, that goen doun in to the lake. [verse 2] Lord, here thou the vois of my bisechyng, while Y preie to thee; whyle Y reise [reisede A.] myn hondis to thin hooli temple. [verse 3] Bitake thou not me togidere with synneris; and leese thou not me with hem that worchen wickidnesse. Whyche speken pees with [to S.] her neiȝbore; but yuels ben in her hertis. [verse 4] Ȝyue thou to hem vpe [aftir I.] the werkis of hem; and vpe [aftir I.] the wickidnesse of her fyndyngis. Ȝyue thou to hem vpe [aftir I.] the werkis of her hondis; ȝelde thou her ȝeldyng to hem. [verse 5] For thei vndurstoden not the werkis of the Lord, and bi the werkis of hise hondis thou schalt destrie hem; and thou schalt not bilde hem. [verse 6] Blissid be the Lord; for he herde the vois of my bisechyng. [verse 7] The Lord is myn helpere and my defendere; and myn herte hopide in hym, and Y am helpid [holpen I.] . And my fleisch flouride aȝen; and of my wille Y schal knowleche to hym. [verse 8] The Lord is the strengthe of his puple; and he is defendere [the defendere S.] of the sauyngis of his crist. [verse 9] Lord, make thou saaf thi puple, and blesse thou thin eritage; and reule thou hem, and enhaunse thou hem til in to with outen ende.