The Holy Bible, containing the Old and New Testaments, with the Apocryphal books,

PSALM CXXXVI. [The hundrid and sixe and thrittithe salm [The cxxxvi. A. The titil of the hundrid and xxxvi. salm. DEFL. This salm hath no tijtle, neither [in] Ebreu ne in Jerom; it spekith of destruccioun of the temple, and of the caitiftee of Babiloyne. I. The hundrid and sixe and thrittithe salm hath no title, and it spekith of the de|struccioun of the temple, and of the caitiftee of Babiloyne. K. The cxxxvi. salm hath no tytle; it spekith of the destruccioun of Jerusalem. V. The hundrid and xxxvi. salm hath no title, nethir in Ebreu nether in Jerom. U.] .]

[verse 1] On the floodis of Babiloyne there we saten, and wepten; while we bithouȝten on Syon. [verse 2] In salewis in the myddil [myddis S.] therof; we hangiden vp oure orguns. [verse 3] For thei that ledden vs prisoners; axiden vs there the wordis of songis. And thei that ledden awei vs seiden; Synge ȝe to vs an ympne of the songis of Syon. [verse 4] Hou schulen we singe a songe of the Lord; in an alien lond? [verse 5] If Y forȝete thee, Jerusalem; my riȝt hond be ȝouun to forȝeting. [verse 6] Mi tunge cleue to my chekis; if Y bithenke not on thee. If Y purposide not of thee, Jeru|salem; in the bigynnyng of my gladnesse. [verse 7] Lord, haue thou mynde on the sones of

Edom; for the dai of Jerusalem. Whiche seien, Anyntische ȝe, anyntische ȝe; `til to [vn to I.] the foundement ther ynne. [verse 8] Thou wretchid douȝter of Babiloyne; he is blessid, that `schal ȝelde [ȝeldith I.] to thee thi [the L.] ȝelding, which thou ȝeldidist to vs. [verse 9] He is blessid, that schal holde; and hurtle doun hise litle children at a [the I.] stoon.