Men.
[verse 97] Lord, hou louede Y thi lawe; al dai it is my thenking. [verse 98] Aboue myn enemyes thou madist me prudent bi thi comaunde|ment; for it is to me with outen ende. [verse 99] I vndurstood aboue [ouer I.] alle [olde L. eelde S.] men techinge me; for thi witnessingis is my thenking. [verse 100] I vn|dirstood aboue eelde men; for Y souȝte thi comaundementis. [verse 101] I forbeed my feet fro al euel weie; that Y kepe thi wordis. [verse 102] I bowide not fro thi domes; for thou hast set lawe to me. [verse 103] Thi spechis ben ful swete to my cheekis; aboue hony to my mouth. [verse 104] I vnderstood of thin heestis; therfor Y hatide al [alle S.] the weie [weyes S.] of wickidnesse.