The Holy Bible, containing the Old and New Testaments, with the Apocryphal books,

PSALM CXVII. [The titil of the [Om. R.] hundrid and seuententhe salm. Alleluia [Alleluia. This salm inducith men to herie God, and bringeth reson therto. K.] .]

[verse 1] Knouleche ȝe to the Lord, for he is good; for his merci is with outen ende. [verse 2] Israel seie now, for he is good; for his merci is with outen ende. [verse 3] The hous of Aaron seie now; for his merci is with outen ende. [verse 4] Thei that dreden the Lord, seie now; for his merci is withouten ende. [verse 5] Of tribulacioun Y inwardli clepide the Lord; and the Lord herde me in large|nesse. [verse 6] The Lord is an helpere to me; Y schal not drede what a [Om. S.] man schal do to me. [verse 7] The Lord is an helpere to me; and Y schal dispise myn enemyes. [verse 8] It is betere for [Om. IL.] to trist in the Lord; than for to triste in man. [verse 9] It is betere for to hope in the Lord; than for [Om. I.] to hope in princes. [verse 10] Alle folkis cumpassiden me; and in the name of the Lord it bifelde, for Y am auengide on hem. [verse 11] Thei cumpassinge cumpassiden me; and in the name of the Lord, for Y am auengid on hem. [verse 12] Thei cumpassiden me as been [bees CDEFGHKLMOPQRSUWxbi.] , and thei brenten out as fier doith [Om. I.] among thornes; and in the name of the Lord, for Y am avengid on hem. [verse 13] I was hurlid, and turnede vpsedoun, that Y schulde falle doun; and the Lord took me vp. [verse 14] The Lord is my strengthe, and my heryyng; and he is maad to me in to heelthe. [verse 15] The vois of ful out ioiyng and of heelthe; be in the tabernaclis of iust men. [verse 16] The riȝt hond of the Lord hath do

vertu, the riȝt hond of the Lord enhaun|side me; the riȝt hond of the Lord hath do vertu. [verse 17] I schal not die, but Y schal lyue; and Y schal telle the werkis of the Lord. [verse 18] The Lord chastisinge hath chastisid me; and he ȝaf not me to deth. [verse 19] Opene ȝe to me the ȝatis of riȝtfulnesse, and Y schal entre bi tho, and Y schal knouleche to the [verse 20] Lord; this ȝate is of the Lord, and iust men schulen entre bi it. [verse 21] I schal knou|leche to thee, for thou herdist me; and art maad to me in to heelthe. [verse 22] The stoon which the bilderis repreueden; this is maad in to the heed of the corner. [verse 23] This thing is maad of the Lord; and it is wonderful bifore oure iȝen. [verse 24] This is the dai which the Lord made; make we ful out ioye, and be we glad ther ynne. [verse 25] O [A! celeri fere omnes.] ! Lord, make thou me saaf, O [A! celeri fere omnes.] ! Lord, make thou wel [verse 26] prosperite; blessid is he that cometh in the name of the Lord. We blesseden [blessen A pr. m. I.] ȝou [verse 27] of the hous of the Lord; God is Lord, and [and he I.] hath ȝoue liȝt to vs. Ordeyne ȝe a solempne dai in thicke puplis; til to the horn of the auter. [verse 28] Thou art my God, and Y schal knouleche to thee; thou art my God, and Y schal enhaunse thee. I schal knouleche to thee, for thou herdist me; and thou art maad to me in to heelthe. [verse 29] Knouleche ȝe to the Lord, for he is good; for his merci is with outen ende.