PSALM CXII. [The `title of the [Om. A.] hundrid and twelfthe salm [Om. A.] . Alleluya [This salm stireth men to herie God, for his greet ex|cellence, and for he reiseth hem, that ben oppresside vn|iustli, to greet honour, sum|tyme in this world, and to blisse of heuen, if thei suffren pacientli. Lire here. K.] .]
[verse 1] Children, preise ȝe the Lord; preise ȝe the name of the Lord. [verse 2] The name of the Lord be blessid; fro this tyme now and til in to the world. [verse 3] Fro the risyng of the sunne til to the goyng doun; the name of the Lord is worthi to be preisid. [verse 4] The Lord is hiȝ aboue alle folkis; and his glorie is aboue heuenes. [verse 5] Who is as oure Lord [verse 6] God, that dwellith in hiȝe thingis; and biholdith meke thingis in heuene and in erthe? [verse 7] Reisynge a nedi man fro the [Om. ceteri.] erthe; and enhaunsinge a pore man fro drit. [verse 8] That he sette hym with princes; with the princes of his puple. [verse 9] Which makith a bareyn womman dwelle in the hous; a glad modir of sones.