The Holy Bible, containing the Old and New Testaments, with the Apocryphal books,

PSALM CVI. [The `title of the [Om. A. title of O.] hundrid and sixte salm. Alleluya [Alleluia. This is a stiring to doinge of thankinges of men delyuerid by God fro perels and angwiȝsshis. K. Alleluia, Alleluia. U.] .]

[verse 1] Knouleche ȝe to the Lord [Lord God S.] , for he is good; for his merci is in to the world. [verse 2] Sei [Om. I.] thei, that ben aȝen bouȝt of the Lord; whiche he aȝen bouȝte fro the hond of the enemye, fro cuntreis he gaderide hem to|gidere. [verse 3] Fro the risyng of the sunne, and fro the goyng doun; fro the north, and fro the see. [verse 4] Thei erriden in wildirnesse [wildirnessis S.] , in a place with out watir; thei founden not weie of the citee of dwellyng place. [verse 5] Thei weren hungri and thirsti; her soule failide in hem. [verse 6] And thei crieden to the

Lord, whanne thei weren set in tribula|cioun; and he delyuerede hem fro her nedynesses. [verse 7] And he ledde forth hem in to the riȝt weie; that thei schulden go in to the citee of dwelling. [verse 8] The mercies of the Lord knouleche to hym; and hise merueilis knouleche to the sones of men. [verse 9] For he fillide a voide man; and he fillide with goodis an hungry man. [verse 10] God de|lyuerede men sittynge in derknessis [derknesse S.] , and in the schadowe of deth; and men prisoned in beggerye and in yrun. [verse 11] For thei maden bitter the spechis of God; and wraththiden the councel of the hiȝeste. [verse 12] And the herte of hem was maad meke in trauelis; and thei weren sijk, and noon was that helpide. [verse 13] And thei crieden to the Lord, whanne thei weren set in tribulacioun; and he dely|uerede hem from her nedynessis. [verse 14] And he ledde hem out of derknessis, and schadowe of deth; and brak the boondis of hem. [verse 15] The mercies of the Lord knouleche to hym; and hise merueils knouleche to the sones of men. [verse 16] For he al to-brak brasun ȝatis; and he brak yrun barris. [verse 17] He vp|took hem fro the weie of her wickidnesse; for thei weren maad lowe for her vnriȝt|fulnesses. [verse 18] The soule of hem wlatide al mete; and thei neiȝeden `til to [unto I.] the ȝatis of deth. [verse 19] And thei crieden to the Lord, whanne thei weren set in tribulacioun; and he delyuerede hem fro her nedynessis. [verse 20] He sente his word, and heelide hem; and [and he I.] delyuerede hem fro the perischingis of hem. [verse 21] The mercies of the Lord knouleche to hym; and hise merueils to the sones of men. [verse 22] And offre thei the sacrifice of heri|yng; and telle thei hise werkis in [with S.] ful out ioiyng. [verse 23] Thei that gon doun in to the see in schippis; and maken worching in many watris. [verse 24] Thei sien the werkis of the Lord; and hise merueilis in [into A.] the depthe. [verse 25] He seide, and the spirit of tempest stood; and the wawis therof weren arerid. [verse 26] Thei stien til to heuenes, and goen doun `til to [unto I.]

the [Om. L.] depthis; the soule of hem failide in yuelis. [verse 27] Thei weren troblid, and thei weren moued as a drunkun man; and al the wisdom of hem was deuourid. [verse 28] And thei crieden to the Lord, whanne thei weren set in tribulacioun; and he ledde hem out of [fro ceteri.] her nedynessis [nedynesse W.] . [verse 29] And he ordeynede the tempest therof in to a [Om. ceteri.] soft wynde [wynde ether pesiblete CDEFGHKLMOPQSUVWXbi.] ; and the wawis therof weren stille. [verse 30] And thei weren glad, for tho weren stille; and he ladde hem forth in to the hauene of her wille. [verse 31] The mercies of the Lord knouleche to hym; and hise merueilis to the sones of men. [verse 32] And enhaunse thei him in the chirche of the puple; and preise thei him in the chaier of eldre [the elder S.] men. [verse 33] He hath set floodis in to deseert; and the out goingis of watris [watir C. wawis M.] in to thirst. [verse 34] He hath set fruytful lond in to saltnesse; for the malice of men dwellyng ther ynne. [verse 35] He hath set deseert in to pondis of watris; and [and the I.] erthe with out watir in to [to the F.] out|goyngis [outgoinge ELP.] of watris. [verse 36] And he settide [sette S.] there hungri men; and thei maden a citee of dwelling. [verse 37] And thei sowiden feeldis, and plauntiden vynes; and maden fruyt of birthe. [verse 38] And he blesside hem, and thei weren multiplied greetli; and he made not lesse her werk beestis. [verse 39] And thei weren maad fewe; and thei [Om. I.] weren trauelid of tribulacioun of yuelis and of sorewis [sorewe ceteri.] . [verse 40] Strijf was sched out on princes; and he made hem for to erre without the weie, and not in the weie. [verse 41] And he helpide the pore man fro pouert; and [and he I.] settide meynees [Om. A pr. m. I.] as a [Om. I.] scheep bringynge forth lambren. [verse 42] Riȝtful men schulen se, and [and thei I.] schulen be glad; and al wickidnesse schal stoppe his mouth. [verse 43] Who is wijs, and schal kepe these thingis; and schal vndirstonde the mercies of the Lord?