The Holy Bible, containing the Old and New Testaments, with the Apocryphal books,

PSALM CIV. [The title of the hundrid and fourthe salm. Alleluya [Alleluya; the salm of Dauith, whanne he hadde brouȝt the arke into his hous. K. Om. L. that is, herie ȝe God. I marg.] [A glos. This salm is a stir|yng to Goddis heriyng, and first the pro|phet excitith the puple for to herie God, and that this be don more spedely, he rehersith the mynde of Goddis beni|ficis. Lire here. IK.] .]

[verse 1] Knouleche ȝe to the Lord, and inwardli clepe ȝe his name; telle ȝe hise werkis among hethen men. [verse 2] Synge ȝe to hym, and seie ȝe salm to him, and telle ȝe alle [verse 3] hise merueylis; be ȝe preisid in his hooli name. The herte of men sekynge the [verse 4] Lord be glad; seke ȝe the Lord, and be ȝe confermed; seke ȝe euere his face. [verse 5] Haue ȝe mynde on hise merueilis, whiche he dide; on his grete wondris, and domes of his mouth. [verse 6] The seed of Abraham, his seruaunt; the sones of Jacob, his chosun man. [verse 7] He is oure Lord God; hise domes ben in al the [Om. C et plures.] erthe. [verse 8] He was myndeful of his testament in to the world; of the word which he comaundide in to a thou|synde generaciouns. [verse 9] Which he disposide to Abraham; and of his ooth to Isaac. [verse 10] And he ordeynede it to Jacob in to a comaundement; and to Israel in to euer|lastinge testament. [verse 11] And he seide, I shal ȝiue to thee the lond of Canaan; the cord of ȝoure eritage. [verse 12] Whanne thei weren in a litil noumbre; and the comelingis of hem [him C et plures.] weren ful fewe. [verse 13] And thei passiden fro folk in to folk; and fro a rewme in to another puple. [verse 14] He lefte not a man to anoye hem; and he chastiside kyngis for hem. [verse 15] Nile ȝe touche my cristis; and nyle ȝe do wickidli among my prophetis. [verse 16] And God clepide hungir on erthe; and he wastide al the stidefastnesse of breed. [verse 17] He sente a man bifore hem; Joseph was seeld [sold IKL.] in to a seruaunt. [verse 18] Thei maden lowe hise feet in stockis [feteris W.] , irun passide by his soule; til the word of him cam. [verse 19] The [verse 20] speche of the Lord enflawmede him; the king sente and vnbond hym; the prince of puplis sente and delyuerede him. [verse 21] He ordeynede him the [Om. C et plures.] lord of his hous; and

the [Om. I.] prince of al his possessioun. [verse 22] That he schulde lerne hise princis as him silf; and that he schulde teche hise elde men pru|dence. [verse 23] And Israel entride in to Egipt; and Jacob was a comeling in the lond of Cham. [verse 24] And God encreesside his puple greetli; and made hym [hem G.] stidefast on hise enemyes. [verse 25] He turnede the herte of hem, that thei hatiden his puple; and diden gile aȝens hise seruauntis. [verse 26] He sent Moises, his seruaunt; thilke Aaron, whom he chees. He puttide in hem the wordis of hise [verse 27] myraclis; and of hise grete wondris in the lond of Cham. [verse 28] He sente derknessis, and made derk; and he made not bitter hise wordis. [verse 29] He turnede the watris of hem in to blood; and he killide the fischis of hem. [verse 30] And the lond of hem ȝaf paddoks; in the priue places of the kyngis of hem. [verse 31] God seide, and a fleische flie cam; and gnattis in alle the coostis of hem. [verse 32] He settide her reynes hail; fier brennynge in the lond of hem. [verse 33] And he smoot the vynes of hem, and the fige trees of hem; and [and he C et plures.] al to-brak the tree [trees A.] of the coostis of hem. [verse 34] He seide, and a [the I.] locuste cam; and a bruk of which was [ther was I.] noon [no C et plures.] noumbre. [verse 35] And it eet al the hey in the lond of hem; and it eet al the fruyt of the lond of hem. [verse 36] And he killide ech the firste gendrid thing in the lond of hem; the firste fruitis of alle the trauel of hem. [verse 37] And he ledde out hem with siluer and gold; and noon was sijk in the lynagis of hem. [verse 38] Egipt was glad in the goyng forth [out I.] of hem; for the drede of hem lai on Egipcians. [verse 39] He spredde abrood a cloude, in to the hiling of hem; and fier, that it schynede to hem bi nyȝt. [verse 40] Thei axiden, and a curlew cam; and he fillide hem with the breed of heuene. [verse 41] He brak a [the I.] stoon, and watris flowiden; floodis ȝeden forth in the [Om. I.] drye place. [verse 42] For he was myndeful of his hooli word; which he hadde to Abraham, his child. [verse 43] And he ledde out his puple in ful

out ioiyng; and hise chosun men in glad|nesse. [verse 44] And he ȝaf to hem the cuntreis of hethen men; and thei hadden in posses|sioun the trauels of puplis. [verse 45] That thei kepe hise iustifiyngis; and seke [kepe I.] his lawe.