The Holy Bible, containing the Old and New Testaments, with the Apocryphal books,

PSALM CI. [The title of the `hundrid and o [c. and i. A. hundred and firste ELP.] salm. [verse 1] The preier of a pore man, whanne he was angwishid, and schedde out [Om. RX.] his speche bifore the Lord [A glos. This salm speketh of the tyme of Crist, for in the firste chap. to Ebrewis, Poul aleggeth the lettre of this salm seid of Crist; to the lettre this salme speketh of the angwiss of the puple of Israel, preijng with desijr for the comyng of Crist; this angwiȝss felde most in the tyme of Antiok the noble. Lire here. K.] .]

[verse 2] Lord, here thou my preier; and my crie come to thee. [verse 3] Turne not awei thi face fro me; in what euere dai Y am troblid, bowe doun thin eere to me. In what euere day Y schal inwardli clepe thee; here thou me swiftli. [verse 4] For my daies han failid as smoke; and my boonus han [Om. C.] dried vp [Om. I.] as critouns [critouns, ether leefing of frijng K.] [critons; that is, that that dwellith in the panne of the friyng. Qb.] . [verse 5] I am smytun as hei, and myn herte dried vp; for Y haue forȝete to eete my breed. [verse 6] Of the vois of my weilyng; my boon cleuede to my fleische. [verse 7] I am maad lijk a pellican of wildirnesse; Y am maad as a niȝt crowe in an hous. [verse 8] I wakide; and Y am maad as a solitarie sparowe in the roof. [verse 9] Al dai myn enemyes dispisiden me; and thei that preisiden me sworen aȝens me. [verse 10] For Y eet aschis as breed; and Y meddlide my drinke with weping. [verse 11] Fro the face of the ire of thin indignacioun; for thou reisinge me hast hurtlid me doun. [verse 12] Mi daies boweden awei as a [Om. C et plures.] schadewe; and Y wexede drie as hei. [verse 13] But, Lord, thou dwellist with outen ende; and thi memorial in genera|cioun and in to generacioun. [verse 14] Lord, thou risinge vp schalt haue merci on Sion; for

the tyme `to haue [of hauyng I.] merci therof cometh, for the tyme cometh. [verse 15] For the stones ther|of plesiden thi seruauntis; and thei schu|len haue merci on the lond therof. [verse 16] And, Lord, hethen men schulen drede thi name; and alle kingis of erthe schulen drede thi glori. [verse 17] For the Lord hath bildid [bild I.] Sion; and he schal be seen in his glorie. [verse 18] He bihelde on the preier of meke men; and he dispiside not the preier of hem. [verse 19] Be these thingis writun in an othere genera|cioun; and the puple that schal be maad schal preise the Lord. [verse 20] For he bihelde fro his hiȝe hooli place; the Lord lokide fro heuene in to erthe. [verse 21] For to here the weil|ingis of feterid men; and for to vnbynde the sones of slayn men. [verse 22] That thei telle in Sion the name of the Lord; and his preis|ing in Jerusalem. [verse 23] In gaderinge togidere puplis in to oon; and kingis, that thei serue the Lord. [verse 24] It [It, that is, the chirche of Crist K.] answeride to hym in the weie of his vertu; Telle thou to me the fewnesse of my daies. [verse 25] Aȝenclepe thou not me in the myddil of my daies; thi ȝeris ben in generacioun and in to genera|cioun. [verse 26] Lord, thou foundidist the erthe in the bigynnyng; and heuenes ben the werkis of thin hondis. [verse 27] Tho schulen perische, but thou dwellist perfitli; and alle schulen wexe eelde as a clooth. And thou schalt chaunge hem as an hiling, and tho schulen [verse 28] be chaungid; but thou art the same thi silf, and thi ȝeeris schulen not faile. [verse 29] The sones of thi seruauntis schulen dwelle; and the seed of hem schal be dressid in to the world.