CAP. III.
[verse 1] Aftir these thingis Joob openyde his [verse 2] mouth, and curside [he curside I.] his dai, and seide [he seide I.] , [verse 3] Perische the dai [Perische the day; Greg. in iiii. book of Morals seith, that Joob spek|ith in parable, ethir to goostly vndurstonding, and not to the lettre; for many wordis here takun to the lettre ben vnresonable and vnpossible, and of a man vnpacient and dispeiringe, and blasfemynge God; but Joob was not siche a man, as God witnessith in the ende. Ne|theles Tomas Alquyn here expowneth this proces to the lettre, and seith, that Joob spekith here aftir the sen|sualite, ether fleisly lust, and bi the resoun of soule he suf|fride wilfully and paciently his disese. But for it sueth herof that Joob and hise frendis disputiden to dyuerse wittis, and not to the purpos, therfor it may be seid betere, that these frendis settiden pu|nysching only for synne passid, and re|warding onely in this liyf for goode werkis passid. Therfor Joob argueth aȝenus hem, that it sueth of her errour, that Joob schulde skilefuly curse the day of his birthe, and othere thingis, as the text sowneth, and Joob spekith of day passid, bi wordis of tyme to com|ynge, but in truth Joob curside not his day of birthe, but paciently suffride his disese, and held riȝtful sentence, as God wit|nessith in the ende. Lire here. C.] in which Y was borun, and the nyȝt in which it was seid, The [A I.] man is conceyued. [verse 4] Thilke dai be turnede in to derknessis; God seke not it aboue, and be it not in mynde [This word, be not in mynde, is not in Ebreu, nether in bokis amendid. Lire here. C.] , nethir be it liȝt|ned with liȝt. [verse 5] Derknessis [Derkenes S.] make [make thei I.] it derk, and the schadewe of deeth and myist [of myist I.] oc|cupie it; and be it wlappid [wrappid S.] with bittir|nesse. [verse 6] Derk whirlwynde holde that niȝt; be it not rikynyd among the [Om. I.] daies of the ȝeer, nethir be it noumbrid among the [Om. S.] monethes. [verse 7] Thilke nyȝt be soleyn, and not [be it not I.] worthi of [Om. I.] preisyng. [verse 8] Curse thei it, that cursen the dai, that [whiche I.] ben redi to reise Le|uyathan [Leuyathan, that is, a venym watir eddre I.] [Leuyathan; that is, the deuel, as Al|quyn seith. Lire here. C. that is, the fend. V.] . [verse 9] Sterris [Sterris of that niȝt I.] be [be thei I.] maad derk with the derknesse therof; abide it liȝt, and se it not, nethir [nethir se it I.] the bigynnyng of the morwetid risyng vp. [verse 10] For it closide not the doris of the wombe, that bar me, ne|thir took [it took I.] awei yuels [yuel I.] fro min iȝen. [verse 11] Whi was not Y deed in the wombe? whi ȝede Y out of [fro I.] the wombe, and perischide not anoon? [verse 12] Whi was Y takun on [upon I.] knees? whi was Y suclid [ȝiue souke I.] with teetis? [verse 13] For [Forsothe I.] now Y slepynge schulde be stille, and schulde [I schulde I.] [verse 14] reste in my sleep, with kyngis, and con|suls [with worthi men of counseil I.] of erthe [the erthe I.] , that [whiche I.] bilden to hem soleyn [verse 15] places; ethir with [I schulde reste with I.] prynces that han gold in possessioun, and fillen her housis with
