[verse 8] And if thei ben in chaynes, and ben [verse 9] boundun with the roopis of pouert, he schal shewe to hem her werkis, and her grete trespassis; for thei weren violent, `ethir rauenours [Om. I.] . [verse 10] Also he schal opene her eere, that he chastise [chastise hem I.] ; and he schal speke [speke to hem I.] , that thei turne aȝen fro [fro her I.] wickidnesse. [verse 11] If thei heren [heren him I.] , and kepen [kepen his heestis I.] , thei schulen fille [ful|fille I.] her daies in good, and her ȝeris in glorie. [verse 12] Sotheli if thei heren [kepen S.] not, thei schulen passe bi swerd, and thei schulen be wastid in foli. [verse 13] Feyneris and false men stiren the ire [wraththe I.] of God; and thei schulen not crye [and they schulen not crie; to God, and knouleche her gilt. Lire here. C.] , whanne thei ben boundun. [verse 14] The soule of hem schal die [be I.] in tempest; and the lijf of hem among `men of wymmens condi|ciouns [wommanishe men I.] [among men of wymmens con|diciouns; that is, among hem that moun not defende hem silf fro yuels fallinge on hem. Lire here. C.] . [verse 15] He [The Lord I.] schal delyuere a pore man fro his angwisch; and he schal opene `the eere of hym [his eere I.] in tribulacioun. [verse 16] Therfor he schal saue thee fro the streit mouth of the broddeste tribulacioun, and not hauynge a foundement vndur it; sotheli [and I.] the rest of thi table schal be ful of fatnesse. [verse 17] Thi cause is demed as the cause of a wickid man; forsothe [and I.] thou schalt resseyue thi cause and [and thi I.] doom. [verse 18] Therfor ire [wraththe I.] ouercome thee not, that thou oppresse ony man; and the multitude of ȝiftis bowe thee not. [verse 19] Putte doun thi greetnesse [greetnesse wilfully I. greetnesse of pride V.] [Putte doun thi greetnesse; that is, pride. Lire here. C. without tribu|lacioun; that is, leste thou falle eft into tribulacioun. Lire here. C. bi strengthe; that is, bi sen|tence, fro op|pressing of pore men. Lire here. C. Di|laye thou not nyȝt; that is, tyme to ȝyue this sentence, for in sich dilaiyng strong men moun ga|dere to hem a multitude, bi which thou maist not vse riȝtfulnesse. Lire here. C.] with out tribu|lacioun, and putte [putte thou I.] doun alle stronge men bi strengthe [strengthe, oppressinge pore men V.] . [verse 20] Dilaie thou not nyȝt [the nyȝt I.] , that puplis stie [stie up I.] for hem. [verse 21] Be thou war, that thou bowe not to wickidnesse; for [forsothe I.] thou hast bigunne to sue this wickidnesse aftir wretchidnesse. [verse 22] Lo! God is hiȝ in his strengthe, and noon is [ther is I.] lijk [lijk to I.] hym among the ȝyueris of lawe. [verse 23] Who mai seke out the weies of God? ethir who dar seie to hym, Thou hast wrouȝt [wrouȝt with C.] wickidnesse? [verse 24] Haue thou mynde, that thou knowist not his werk, of whom men [men han I.] sungun. [verse 25] Alle men seen God; ech [and ech I.] man biholdith afer. [verse 26] Lo! God is greet, ouercomynge oure kun|nyng;
