The Holy Bible, containing the Old and New Testaments, with the Apocryphal books,

CAP. XIX.

[verse 1] Forsothe Joob answeride, and seide, [verse 2] Hou long turmente ȝe my soule, and al to-breken me with wordis? [verse 3] Lo! ten sithis ȝe schenden [haue schent IS.] me [schenden me; that is, enforsen to schende me. Lire here. C.] , and ȝe ben not aschamed, oppressynge me. [verse 4] Forsothe [Certis IS.] and if Y`koude not [haue vnknowe IS.] , myn vnkynnyng schal be with me. [verse 5] And ȝe ben reisid aȝens me, and [and ȝe IS.] repreuen me with my schenschipis. [verse 6] Nameli now vndurstonde ȝe, that God hath turmentid me not bi euene doom [doom, for he sparid me S.] [God hath tur|mentid me not bi euene doom; Joob seide not this of his owne entent; but he con|cludide this of the seiyngis of hise aduersa|ries, that seiden that alle aduer|sites of this liyf ben brouȝt in of God, for peyne of synnes passid onely; and therof it sueth, that the doom of God was not euene aȝenus Joob, of whom the tur|ment passide the gilt. Lire here. C.] , and [and he IS.] hath cum|passid me with hise betyngis. [verse 7] Lo! Y suf|frynge violence schal crye, and no man schal here [here me IS.] ; Y schal crye loude, and `noon is [ther is noon I.] that demeth [demeth me worthi to be herd IS.] . [verse 8] He [The Lord IS.] bisette [hath bisett IS.] aboute my path, and Y may not go; and he settide [hath sett IS.] derknessis in my weie. [verse 9] He hath spuylid me of my glorye, and [and he IS.] hath take awey the coroun fro myn heed. [verse 10] He hath distried me on ech side, and Y perischide [perishe worthly S.] ; and [Om. IS.] he hath take awei myn hope [hope as ȝe gessen IS.] , as fro a tre pullid vp bi the roote. [verse 11] His stronge veniaunce was wrooth [was wrooth, etc.; in ȝyuynge turmentis to me, and this sueth of the seiyng of hise frendis, seiynge that siche peynes ben ȝouun for synne onely. Lire here. C.] aȝens me; and he hadde me so as his enemye. [verse 12] Hise theues camen [han come I.] togidere, and `maden to [thei han maad IS.] hem a wei bi me; and bisegiden [thei han biseegid IS.] my tabernacle in [bi IS.] cumpas. [verse 13] He [The Lord IS.] made fer my britheren fro me; and my knowun [knowun men S.] as aliens ȝeden awei fro me. [verse 14] My neiȝboris forsoken [han forsake IS.] me; and thei that knewen me han forȝete me. [verse 15] The tenauntis of myn hows, and myn handmaydis [handmaidens I.] hadden me as a straunger; and Y was as a pilgrym bifor her iȝen. [verse 16] Y clepide my seruaunt, and he answeride not to me; with myn owne mouth Y preiede hym [hym, but he herde mee not S.] . [verse 17] My wijf wlatide my breeth; and Y preiede the sones [the sones, etc.; that is, the sones of my sones. Lire here. C.] of my wombe. [verse 18] Also foolis dispisiden me; and whanne Y was goon awei fro hem, thei bacbitiden me. [verse 19] Thei [And thei IS.] , that weren my counselouris sum tyme, hadden abhomynacioun of me [me aftirward IS.] ; and

he, whom Y louede moost, was aduersarie to me. [verse 20] Whanne fleischis [my fleischis IS.] weren wastid, my boon cleuyde to my skyn; and `oneli lippis [lippis aloone I.] ben left aboute my teeth. [verse 21] Haue ȝe merci on [of I.] me, haue ȝe merci on [of I.] me, nameli, ȝe my frendis; for the hond of the Lord hath touchid me. [verse 22] Whi pursuen ȝe me, as God pursueth [Om. IS.] ; and ben [ȝe ben IS.] fillid [fulfillid I.] with my fleischis [with my fleischis; in bacbitinge me, and affermynge that Y am iustly punysch|id for synnes, for whi bac|biteris ben fillid with quyke fleschis. Lire here. C.] ? [verse 23] Who ȝyueth [ȝyueth or grauntith S.] to me, that my wordis be writun? Who ȝyueth [grauntith IS.] to me, [verse 24] that tho be writun in a book with an yrun poyntil, ethir with a plate of leed; ethir with a chisel be [tho be I.] grauun in a flynt? [verse 25] For [Certis IS.] Y woot, that myn aȝenbiere lyueth, and in the laste dai Y schal rise fro the [verse 26] erthe; and eft Y schal be cumpassid with my skyn, and in my fleisch Y schal se God, my sauyour. [verse 27] Whom Y my silf schal se, and myn iȝen schulen biholde [biholde him IS.] , and not an other man [man, than I my self that now am IS. man, but sich as I am now K marg.] [not another man; that is, Y schal be the same man in body and soule, that Y am now. Lire here. C.] . This myn hope is kept in my bosum [bosum, or bileue I. bosum, or in my beleeue S. bosum, that is, in myn herte V.] . [verse 28] Whi therfor seien ȝe now, Pursue we hym, and fynde we the roote of a word aȝens hym? [verse 29] Therfor fle ȝe fro the face of the swerd [fro the face of the swerd; that is, fro the sentence of Goddis doom. of wickidnessis that ben not punyschid here. Lire here. C.] ; for the swerd is the [Om. IS.] vengere of wickidnessis, and wite ȝe, that doom schal be.