The Holy Bible, containing the Old and New Testaments, with the Apocryphal books,

CAP. XI.

[verse 1] And whanne `thei turneden aȝen [Tobie and his wijf weren turned to go [thennus I] [hoom to his fader and moder S] in the elleuenthe day IS.] , thei camen to Carram, which [that I.] is [is a place S.] in the myddil of the weie aȝens Nynyue, `in the eleuenthe dai [the enle|uenthe day; fro departing fro the hows of Raguel. Lire here. C.] [Om. IS.] . [verse 2] And [And there S.] the aungel seide [seide to Tobie IS.] , Tobie brother, thou woost, hou thou leftist thi fadir [fader heuy in thi departyng fro him S.] . [verse 3] Therfor if it plesith thee [to thee IS.] , go we bifore; and the meineis, with thi wijf to|gidere and [Om. I.] with the beestis, sue [sue thei IS.] oure weie with soft goynge. [verse 4] And whanne this [this thing IS.] pleside [pleside Tobie I. pleside to Tobie S.] , that thei [thei two S.] schulden go [go bifore IS.] , Raphael

seide to Tobie, Take with thee of the galle of the [thi I.] fisch, for it schal be nedeful. Therfor [Thanne I.] Tobie took [toke with him S.] of that galle, and thei [he and Raphael IS.] ȝeden forth [forth togidre IS.] . [verse 5] Forsothe [And IS.] Anne [Anne, the moder of Tobie S.] sat bisidis the weie ech dai in the cop of the [an IS.] hil, fro whennus sche myȝte biholde fro afer [ferr to loke aftir him I. ferre to loke after hir sone S.] . [verse 6] And while [the whilis S.] sche bihelde fro the same place the comyng of hym, sche siȝ a fer, and knew [she knewe S.] anoon hir sone comynge; and [and for ioye S.] sche ran [ran hoom IS.] , and telde to [Om. IS.] hir hose|bonde, and seide [sche seide to him IS.] , Lo [Lo! now IS.] ! thi sone cometh. [verse 7] And Raphael seide to Tobie [ȝoung Tobie IS.] , And [Om. I.] whanne thou hast entrid in to thin hows, anoon worschipe [worschipe thou IS.] `thi Lord God [the Lord thi God IS.] , and do thou thankyngis to hym, and [and thanne IS.] neiȝe to thi fadir, and kisse hym. [verse 8] And anoon anoynte on [thou upon IS.] hise iȝen of this galle of the fisch, which [the which I.] galle [Om. S.] thou berist with thee; for `whi wite thou [thou schalt wite IS.] , that [that herbi IS.] anoon [Om. S.] hise iȝen schulen be openyd, and `thi fadir [he IS.] schal se the liȝt of heuene, and he schal be ioiful in thi siȝt. [verse 9] Thanne the [a g.] dogge [hound that ȝede forth in the wey IS.] `ran bifore [for hem ran hoom bifore S.] , `that was togidere in the weie [Om. IS.] , and made [he made IS.] ioie with the [Om. IS.] faunyng of his tail [taile to old Tobie and his wife S.] , as a [Om. S.] messanger comynge [coming bifore I. comyng and brynging good tithings S.] . And his [the IS.] blynde fadir [fadir of Tobie IS.] roos [verse 10] vp, and bigan [he bigan IS.] to renne, hirtynge [stumblynge I. shoueling forth S. hirtynge ethir stamblinge X sec. m.] `in the [with his IS.] feet, and whanne he [Tobie IS.] hadde ȝoue hond [his hond IS.] to a child [child to lede him IS.] , he ran aȝens his sone. [verse 11] And he [Tobie with his wijf IS.] resseyuede [resseyuede her sone IS.] and kisside hym, `with his wijf [Om. IS.] , and bothe [bothe he and his sone IS.] bigunnen to wepe for ioie. [verse 12] And whanne thei hadden worschipid God, and hadden [Om. I.] do thankyngis [thank|yngis to him S.] , thei saten [saten doun IS.] togidere. [verse 13] Thanne [And thanne IS.] Tobie took of the galle of the fisch, and anoyntide [he anoyntide therwith IS.] the iȝen of his fadir. [verse 14] And [And thanne I.] he abood [abood the wirching of that medicyne S.] as [as it were I.] half [almoost half IS.] an our almest [Om. IS.] , and [and than S.] the [a plures.] web, as the litil skyn of an ey, bigan to go out of hise iȝen. [verse 15] Which [The which I.] web Tobie [ȝoung Tobie I. Tobie his sone S.] took, and drow [drewe it S.] fro

hise iȝen, and anoon he resseyuede siȝt [his siȝt IS.] . [verse 16] And thei glorifieden God, that is [is to wite I.] , he [Tobie IS.] , and his wijf, and alle that knewen hym. [verse 17] And Tobie seide, Lord God of Israel, Y blesse thee, for thou hast chastisid me, and thou [Om. IS.] hast saued me; and lo [lo! now I.] ! Y se Tobie, my sone. [verse 18] Also [Thanne also IS.] Sare, the wijf of his [Tobie his S.] sone, entride [entride or cam hoom S.] aftir seuene daies, and alle the meynees [meynee IS.] , and the [Om. ISX.] beestis hoole [Om. IS.] , and camels [camels hool with hir I. camels camen with hir hool and sounde S.] , and [and also S.] miche monei of the [Tobies I.] wijf, but [and I.] also the money which [that I.] `he hadde res|seyued [Tobie resceyuyde I.] of Gabelus [Gabelus was brouȝt with hem I.] . [verse 19] And he [Tobie IS.] telde to his fadir and modir alle the benefices [goodnessis I. good S.] of God, whiche he hadde do aboute hym bi the man, that hadde led [led and feloushipid S.] hym [hym in the wey I.] . [verse 20] And Achior and Nabath, the `sistir sones [niȝ cosyns IS.] of Tobie, camen ioiful [Om. IS.] to Tobie [Tobie, and weren ioyful with him IS.] , and thankiden [thei thankiden IS.] hym [God with hym IS.] of alle the `goodis, whiche [goodnessis that I. goodnessis which S.] God hadde schewid aboute hym. [verse 21] And bi seuene daies thei eeten [eeten there S.] , and ioyden [thei ioyeden IS.] with greet ioye.