The Holy Bible, containing the Old and New Testaments, with the Apocryphal books,

CAP. V.

[verse 1] Aftir thes thingis forsothe ther weren pryncis chosen of townus, that thei schul|den wende up, bi housis, bi her lynagis, and the wyues of hem, and the sonus and douȝtris of hem, and seruauntis and hand

maydens of hem, and her bestis. [verse 2] And kyng Darye sende togidre with hem a thousynd hors men, to the tyme that thei brouȝte hem in to Jerusalem, with pees, and with musikis, and tymbres, and trum|pis; and alle the britheren weren pleiynge. [verse 3] And he made hem to stie up togidre with hem. [verse 4] And thes ben the names of the men, that ȝeden up, bi her tounnes, in to lynagis, and in to part of the princehod of hem. [verse 5] Prestis; the sones of Fynees, the sones of Aaron, Jesus arrow_forward , the sone of Josedech, Joa|chim, the sone of Sorobabel, sone of Sala|thiel, of the hous of Dauid, of the pro|genye of Phares, of the lynage forsothe [verse 6] of Juda, that spac vndir Darij, king of Persis, merueylous doynge wordis, in the secounde ȝeer of his rewme, in Aprel, the firste monthe. [verse 7] Forsothe thes it ben, that stieden up of Juda fro the caitiftee, or thraldom, of the transmygracioun, whom Nabugodonosor, kyng of Babiloyne, trans|latide in to Babiloyne; and ech is turned [verse 8] aȝen in to Jerusalem, and in to alle the citees of Judee, ech in to his owne citee, that camen with Sorobabel, and with Jesu; Neemyas, Ariores, and Elymeo, Emmanyo, Mardocheo, Beelsuro, Methsatothor, Olioro, Eboma, oon of the princis of hem. [verse 9] And the noumbre fro the Gentiles of hem, fro the prouostis, or reeuys, of hem; the sones of Phares, two thousynd an hundrid se|uenty [verse 10] and two; the sones of Ares, thre [verse 11] thousynd and fifty and seuen; the sones of Phemo, an hundrid and two and fourty; the sones of Jesu and of Joabes, a thou|synd [verse 12] thre hundrid and two; the sones of Denny, two thousynd foure hundrid and seuenty; the sones of Choroba, two hun|drid and fyue; the sones of Banycha, an [verse 13] hundrid and sixty and eiȝte; the sones of Bebeth, foure hundrid and thre; the sones of Arcad, foure hundrid and seuen and [verse 14] twenty; the sones of Thau, seuen and thritty; the sonis of Zozaar, two thou|synd sixty and seuen; the sones of Ady|my, [verse 15] foure hundrid and oon and sixty; the sones of Azeroectis, an hundrid and eiȝte;

the sonus of Ziazo and Zelas, an hundrid and seuene; the sones of Azoroch, foure [verse 16] hundrid and nyne and thritty; the sones of Jebdarbone, an hundrid and two and thritty; the sones of Ananye, an hundrid [verse 17] and thritty; the sones of Arsom; the sones of Marsar, foure hundrid and two and twenty; the sones of Saberus, nynty and fyue; the sones of Sophelemon, an [verse 18] hundrid and thre and twenty; the sones of Nepobai, fyue and fifty; the sones of Ecbanatus, an hundrid and eiȝt and fifty; the sones of Ebethamus, an hundrid and [verse 19] two and thritty; the sones of Octatarpa|tros, the whiche weren clepid Enochadies and Modie, foure hundrid and two and twenti; thei that weren of Gramas and Gabia, an hundrid and oon and twenti; [verse 20] the whiche weren of Besellon and of Agie, fyue and sixty; thei that weren of Bas|charo, an hundrid and two and twenty; [verse 21] the whiche of Bethonobes, fyue and fifty; the sones of Lippis, an hundrid and fyue and fifty; the sones of Jabomy, thre hun|drid [verse 22] and seuen and fifty; the sones of Sichem, thre hundrid and seuenty; the sones of Sanadon and of Chamus, thre [verse 23] hundrid and seuenty and eiȝte; the sones of Ericus, two thousynd an hundrid and fyue and fifty; the sones of Anaas, thre hundrid and seuenty. [verse 24] Prestis; the sones of Jeddus, the sones of Enytem, the sones of Eliazib, thre hundrid and two and se|uenty; the sones of Emmechus, two hun|drid [verse 25] and two and fifty; the sones of Sa|surij, thre hundrid and seuen and fifty; the sones of Charee, two hundrid and seuen and twenty. [verse 26] Dekens; the sonus of Jesu, in Caduel, and Banus, and Serebias, and Edias, foure and seuenty; al the noumbre fro the two and twenty ȝeer, thritti thou|synd foure hundrid and two and sixty; [verse 27] sones, and douȝtris, and wyues, al the noumbryng, sixty thousynd two hundrid and two and fourty. [verse 28] The sones of prestis, that sungen in the temple; the sones of Asaph, an hundrid and eiȝt and twenty. [verse 29] Vschers forsothe; the sones of Esueum,

the sones of Ather, the sones of Amon, the sones of Accuba Copa, the sones of Thoby, alle an hundrid and nyne and thritty. [verse 30] Prestis, seruynge in the temple; sones of Sel, the sones of Gasipa, the sones of Ta|bloth, the sones of Carie, the sones of Su, the sones of Phellu, the sones of Labana, the sones of Acmathi, the sones of Accub, the sones of Vta, the sonus of Cetha, the sones of Agab, the sones of Obay, the sones of Anan, the sones of Chayma, the [verse 31] sones of Jeddu, the sones of An, the sones of Radyn, the sones of Desamyn, the sones of Nechoba, the sones of Caseba, the sones of Gase, the sones of Osyn, the sones of Phynoe, the sones of Atren, the sones of Bascem, the sones of Aziana, the sones of Manay, the sones of Naphisym, the sones of Accuphu, the sones of Agista, the sonus of Aria Phausym, the sones of Phasaluon, [verse 32] the sones of Meeda, the sones of Phusia, the sones of Careth, the sones of Barthus, the sones of Caree, the sones of Thoesy, the sones of Nasith, the sones of Agisty, the sones of Pedon. [verse 33] Salmon, the sones of hym, the sones of Asophoth, the sones of Pharida, the sones of Thely, the sones of Dedon, the sones of Gaddahel, the sones [verse 34] of Cephegy, the sones of Aggya, the sones of Phacareth, the sones of Sabathan, the sones of Saroneth, the sones of Malcie, the sones of Ame, the sones of Saphuy, the sones of Addus, the sones of Suba, the sones of Eirra, the sones of Rabatis, the sones of Phasophat, the sonus of Malmon. [verse 35] Alle thes weren in holy seruyng; and the children of Salmon weren foure hundrid foure score and two. [verse 36] These ben the sones that ȝeden up to Athemel and Thersas; the princis of hem weren Carmellam and Ca|reth; [verse 37] and theimyȝten not telle out her citees, and her progenyes, what manere thei ben; and of Israel, the sones of Dalarij, the sones of Tubam, the sones of Nechodaicy. [verse 38] And of the prestis, that vsiden presthod, and weren founden; the sones of Obia, the sones of Achisos, the sones of Addyn, that token Vmyn wijf, of the douȝtris of Phar|gelen,

[verse 39] and thei ben clepid bi the name of hir; and of thes is souȝt the genologie writen of the kynrede, and thei ben for|fendid to vsen presthode. [verse 40] And Neemye seide to hem, and Astaras, that thei take not part of the hooly thingis, til the tyme that ther arijse a tauȝt bischop, in to schewyng and treuthe. [verse 41] Al Israel forsothe was twelff thousynd, out take seruauntis and hand maidens, two and fourty thou|synd thre hundrid and sixti. [verse 42] The ser|uauntis of hand maidens weren seuen thousynd thre hundrid and seuen and thritty; syngers and singsters, two hun|drid [verse 43] and fyue and sixty; cameils, foure hundrid and fyue and thritty; horsis, seuen thousind sixe and thritti; mules, two hundrid thousynd and fyue and fourty; bestis vndir ȝok, fyue thousynd and fyue and twenty. [verse 44] And of tho prouostis, or reeues, bi tounnes, while thei schulden come in to the temple of God, that was in Jerusalem, to ben avowid to rere up the [verse 45] temple in his place, aftir her vertue; and the hooly tresorie to be ȝouen in to the temple of werkis, weren elleuen thousynd besauntis, and an hundrid prestis stolis. [verse 46] And ther dwelliden prestis, and dekens, and othere, that weren of the peple, in Jerusalem, and in the rewme; and the hooly syngers, and vsshers, and al Israel, in her regiouns. [verse 47] While the seuenthe monthe ȝitt lastide, and whanne the sonus of Israel weren ech in his owne thingis, thei camen togidre of oon accord in to the porche, that was bifore the eest ȝate. [verse 48] And while arrow_back Jesus arrow_forward , the sone of Jose|dech, and his bretheren, prestis, stoden, and Sorobabel, the sone of Salatiel, and his bretheren, thei maden redy an auter, [verse 49] that thei wolden offre on it brent sacri|fices, aftir tho thingis that ben writen in the book of Moyses, the man of God. [verse 50] And ther camen to hem of othere naciouns of the loond, and reriden the holy tresorie in his place, alle the folk of the lond; and thei offriden oostis, and brent sacrifises of the morutijd to the Lord. [verse 51] And thei diden

the feest of tabernaclis, and a solempne dai, as it is writen in the lawe, and sacri|fises ech day, as it bihouyde. [verse 52] And aftir thes thingis thei ordeyneden offryngis, and oostis of sabotis, and of newe mones, and of alle solempne daies halewid. [verse 53] And hou many euere vowiden to the Lord, fro the tyme of the newe moone of the seuenthe monthe, thei token oostis to offren to God; and the temple of the Lord was not ȝitt bildid up. [verse 54] And thei ȝauen money to ma|souns, and to wriȝtis, and drynkis and metis with ioye. [verse 55] And thei ȝauen carris to Sydonyes and to Tyres, that thei schul|den carie ouer to hem fro Lyban wode cedre beemes, and to make a nauee in to the haauen of Joppe, aftir the decree that was writen to hem fro Cyro, kyng of Persis. [verse 56] And in the secounde ȝeer thei camen in to the temple of God, in to Je|rusalem; the secunde monthe Sorobabel biganne, the sone of Salatiel, and arrow_back Jesus arrow_forward , the sone of Josedech, and the bretheren of hem, and prestis, and Leuytis, and alle thei that camen fro the caitiftee in to Je|rusalem; [verse 57] and founden the temple of God, in the newe moone of the secunde monthe of the secunde ȝeer, whanne thei hadden [verse 58] come in to Judee and to Jerusalem; and setten dekens fro the age of twenty ȝeer upon the werkis of the Lord. And arrow_back Jesus arrow_forward stode, his sone, and his bretheren, alle the dekens togidre castynge, and executours, or folewers, of the lawe, and doynge werkis in the hous of the Lord. [verse 59] And ther stoden prestis, hauynge stoles, or longe clothis, with trumpis, and Leuytis, the sones of [verse 60] Asaph, hauynge cymbals, togidre preis|yng the Lord, and blessynge him, aftir the maner of Dauid, kyng of Israel. [verse 61] And thei sungen a song to the Lord, for his swetnesse and his worschip in to worldis, or euer, upon al Israel. [verse 62] And al the peple sungen with trumpe, and crieden with gret vois, preisynge togidre the Lord, in the rerynge of the Lordus hous. [verse 63] And ther camen many of the prestis, and of dekens, and of presidentis aftir tounnes,

to the eldris that hadden seen the rather [verse 64] hous, and at the bildyng up of this hous, with cry, and with greet weilyng; and [verse 65] many with trumpis, and gret ioye, so that the peple herde not the trumpis, for the gret weilyng of the peple. Forsothe ther was a cumpeny syngynge wirschipfully in trumpe, so that it was herd a ferr. [verse 66] And the enmyes herden the lynagis of Juda and of Beniamyn, and camen to wite, what was this vois of trumpis. [verse 67] And thei knewen, that thei that weren of the cai|tiftee bildiden the temple to the Lord God of Israel. [verse 68] And the enmyes comynge niȝ to Sorobabel, and to Jesu, and to the reeues of tounnes, thei seiden to hem, We schul bilde togidre with ȝou. [verse 69] In lijk maner forsothe we haue herd oure Lord, and we haue gon togidre from the daies of Asbasareth, kyng of Assiriens, that ouer passide fro hennes. [verse 70] And Sorobabel, and arrow_back Jesus, and the princis of the tounnus of [verse 71] Israel seiden to hem, It longith not to us and to ȝou togidere to bilde up the hous of oure God; forsothe we aloone shul bilde the hous of oure God, aftir tho thingis, that Cyrus, kyng of Persis, comaundide. [verse 72] The Gentiles forsothe of the loond leuynge with hem that ben in Judee, and rerynge up the werk of bildyng, and bringynge forth bothe aspies and peple, thei for|fendiden [verse 73] hem to bilden up; and thei let|tiden men, hauntynge the goynges to, that the bildyng shulde not be endid in al the tyme of the lijf of the kyng Ciry; and thei drowen along the makyng up bi two ȝeer, vnto the regne of Darij.