The Holy Bible, containing the Old and New Testaments, with the Apocryphal books,

CAP. IV.

[verse 1] And the sones of Yrael addeden to doo yuel in the siȝt of the Lord, after the deeth of Aod. [verse 2] And the Lord took hem in to the hoondis of Jabyn, kyng [the kyng E pr. m.] of Cha|naan, that regnede in Asor, and hadde a duk of his oost, Siseram bi name; and he dwellyd in Aroseth of Gentilis. [verse 3] And the sones of Yrael crieden to the Lord; forsothe he hadde nyne hundred chaaris, ful of wepenes, the maner of sithis, and bi twenti ȝeer greetli he oppresside hem. [verse 4] Forsothe Delbora was a prophetesse, wijf of Laphidoth, that demyde the puple in [verse 5] that tyme; and she sat vndur the palm tree, `the which [that C.] bi name of hir was clepid, bitwix [betwe C.] Rame and Bethel, in the mount of Effraym; and the sones of Yrael stieden vp to hir into al doom. [verse 6] The whiche sente, and clepide Barach,

the sone of Abynoen, of Cedes of Nepta|lym, and she seide to hym, The Lord God of Yrael hath comaundide to thee, Go, leed the oost into the hil of Thabor, and tak with thee ten thousand of fiȝt|ynge men of the sones of Neptalym and of the sones of Zabulon. [verse 7] Forsothe I shal brynge to thee, in the place of the streem of Cyson, Sisaram, prince of the oost of Jabyn, and the chaaris of hym, and al the multitude; and Y shal taak hem in thin hoond. [verse 8] And Barach seide to hyr, If thow comest with me, Y shal goo; if thow wolt not come with me, Y shal not goo. [verse 9] The which seide to hym, Forsothe Y shal goo with thee; but in this while victory shal not be witid to thee; for in the hoond of a womman Sisara shal be taak. And so Delbora roos, and wente with Barach in to Cedes. [verse 10] The which, clepid Zabulon and Nepthalym, stiede vp with ten thousand of fyȝtynge men, hau|ynge Delbora in his felawship. [verse 11] Forsothe Aber Cynee wente a wey sumtyme fro other Cynees his britheren, the sones of Obbab, cosyn of Moyses; and he streiȝte tabernaclys vnto the valey, that is clepid Sennym, and was biside Cedes. [verse 12] And it is told to Cysare, that Barach, the sone of Abynoem, hadde stied vp into the hil of Thabor. [verse 13] And he gedryd nyn hundryd chaaris, ful of wepenys, maner of sithis, and al the oost fro Aroseth of gentilis to the streem of Cyson. [verse 14] And Delbora seide to Barach, Rise, this is forsothe the day, in the [Om. C.] which the Lord hath taak Sysa|ram into thin hoondys; loo! he is thi leder. And so Barach descendide fro the hil of Thabor, and ten thowsand of fiȝt|ynge men with hym. [verse 15] And the Lord feeryde Sisaram, and alle the chaaris of hym, and al the multytude, in the mouth of swerd, at the siȝt of Barach, in so myche that Sisara of the chaar lepynge

doun on his feet, fliȝ. [verse 16] And Barach pur|suede the fleynge chaaris and the oost vnto the see vnto Aroseth of Gentilis; and al the multitude of enemyes fellen doun [Om. BCFH.] vnto the [Om. A.] deeth. [verse 17] Sisara forsothe fleynge cam to the tent of Jahel, wijf [the wijf E pr. m.] of Aber Cynei; forsothe there was pees bi|twix Jabyn, the kyng of Asor, and the hows of Aber Cynei. [verse 18] Jahel thanne goon out in to aȝen comynge of Sisare, seide to hym, Com into me, my lord; ne drede thow. The which goon into the taber|nacle of hyr, and couerd of hir with a [verse 19] mantel, he seide to hir, Ȝif to me, Y bi|seche, a litil of water, for Y thriste myche. The which openyde a botel of mylk, and ȝaf to hym to drynk, and couerde hym. [verse 20] And Sisara seide to hir, Stoond before the dore of the tabernacle, and whanne there cometh eny man, ask|inge thee, and seiynge, Whether here is eny man? thou shalt answere, Noon is. [verse 21] And so Jahel, the wijf of Aber, took a neyl [veyl ABFH.] of the tabernacle, takynge [and takynge E pr. m.] there with an hamer; and she goon out priue|lich, and with silence putte vpon the templis of his heed a neyl [veyl ABFH.] , and smyten with an hamer piȝt doun into the brayn vnto the erthe; the whych, felawshipynge sleep to deeth, faylide, and died. [verse 22] And lo! Barach [Balach A.] folwynge Sisaram cam; and Jahel, goon into aȝen comynge of hym, seide to hym, Com, and Y shal shewe to thee a man, whom thow sechist. The whych, whanne he hadde goo in to hir, he sawȝ Sisaram liggynge [lyȝinge BEFH.] deed, and a neyl [veyl ABFH.] piȝt into his templis. [verse 23] God therfor lowide in that day Jabyn, the kyng of Chanaan, bifore the sones of Yrael; the whiche woxen eche day, and with strong hoond beren doun Jabyn, the kyng of Chanaan, to the tyme that thei hadden doo hym awey.