The Holy Bible, containing the Old and New Testaments, with the Apocryphal books,

CAP. XII.

[verse 1] Loo! forsothe in Effraym is sprongun a debate; forsothe the goers aȝen the north seiden to Jeptee, Whi goynge to the fiȝt aȝens the sones of Amon thou woldist not clepe vs, that we wenten with thee? Therfor we shulen brenne thin hows. [verse 2] To whom he answerde, An hydows debate was to me and my pu|ple aȝen the sones of Amon, and ȝow Y clepyde, for ȝe shulden ȝyue help to me, and ȝe wolden not doon. [verse 3] The which biholdynge Y putte in myn hondis my lijf [sowle E pr. m.] ; and Y passide to the sones of Amon, and the Lord took hem into myn hoondis; what haue Y disserued, that aȝens me ȝe rysen into [to E pr. m.] batayl? [verse 4] And so clepid to him alle the men of Galaad, he fauȝt aȝens Effraym; and the men of Galaad smyten Effraym; for he seide, Fugitiue is Galaad fro Effraym, and dwellith in mydil [the mydil CE.] of Effraym and Manasse. [verse 5] And Galadites men occupiden the forthis of Jordan, bi whiche [the which E.] Effraym was for [Om. C.] to turne aȝen. And whanne a man of the noumbre of Effraym fleynge was comyn to tho [the AF.]

fordis [forthis BCEH.] , and hadde seyde, Y preye, that ȝe leten me passe; Galaaditis seiden to hym, Whether art thou an Effrate? The [verse 6] which seiynge, Y am not, thei askiden hym, Seye thanne Sebolech [Sobolech A.] , that is to mene, an eere. The which answerde, Shebolech, bi the same lettre an eere not myȝti to bryngen out. And anoon takyn thei kyttiden [cutten CE.] his throot in that goynge ouer Jordan; and there fellen in that tyme of Effraym two and fourti thow|sandis [thousend C.] . [verse 7] And so Jeptee demyde Galaad|ites of Yrael sexe ȝeer; and he is deed, and biryed in his citee of Galaad. [verse 8] After this demyde Yrael Abethsan of Beth|leem, [verse 9] that hadde thretti sones, and so feele douȝtris, the whiche sendynge out to housbondis he ȝaf, and of the same noumbre to his sones he took wyues, bryngynge yn to his hows; the which [verse 10] seuen ȝeer demyde Yrael, deed, and by|ryed in Bethlem. [verse 11] To whom cam aftir Degelon Zabulonyt, and demyde Yrael [verse 12] ten ȝeer, and is deed, and byried in Zabu|lon. [verse 13] After hym demyde Yrael Abdom, [verse 14] the sone of Elel, Pharatonyt [Pharatonyk A.] ; the which hadde fourty sones, and thretti of hem sones sones, stiynge vp [Om. CE.] vpon seuenti coltis of assis, and he demyde Yrael eiȝt [verse 15] ȝeer; and he is deed, and biried in Pha|raton, the loond of Effraym, in the hil of Amalech.