The Holy Bible, containing the Old and New Testaments, with the Apocryphal books,

CAP. V.

[verse 1] Also the sones of Ruben, the firste gen|drid [goten I.] sone of Israel; for he was the first gendrid [goten I.] sone of Israel, but whanne he hadde defoulid the bed of his fadir, the dignitye of his firste gendryng [bigetynge I.] was ȝouun to the sones of Joseph, the sone of Israel; and Ruben was not arettid in to the firste gendrid [goten I.] sone. [verse 2] Forsothe Judas, that was the [Om. X.] strongeste among hise britheren, prynces weren gaderid of his genera|cioun; forsothe the `riȝt of [Om. EL.] firste [his firste CD pr. m. b. the firste KX.] gen|dryng

[getyng I.] was arettid to Joseph. [verse 3] Therfor the sones of Ruben, the firste gendrid [goten I.] sone of Israel, weren Enoch, and Phallu, Esrom, and Charmy. [verse 4] The sones of Johel weren [Om. I.] Samaie; his sone, Gog; his sone, [verse 5] Semey; his sone, Mycha; his sone, Rema; [verse 6] his sone, Baal; his sone, Bera; whom Theg|latphalassar, kyng of Assyriens, ledde pri|soner; and he was prince in the lynage of Ruben. [verse 7] Sotheli hise britheren, and al the kynrede, whanne thei weren noumbrid bi her meynees, hadden princes Jehiel, and Zacharie. [verse 8] Forsothe Bala, the sone of Achaz, sone of Sama, sone of Johel, he dwellide in Aroer til to Nebo and Beel|moon; [verse 9] and [Om. X sec. m.] he dwellide aȝens the eest coost, til to the ende [entring BCW.] of deseert, `and to [in to L.] the flood Eufrates. And he hadde in pos|sessioun myche noumbre of beestis in the lond of Galaad. [verse 10] Forsothe in the daies of Saul the sones of Ruben fouȝten aȝens Agarenus, and killide hem; and dwelliden for hem in the tabernaclis of hem, in al the coost that biholdith to the eest of Galaad. [verse 11] Sotheli the sones of Gad euene aȝens hem dwelliden in the lond of Basan [verse 12] til to Selca; Johel was in the bygynnyng, and Saphan was the secounde; also Janahi and Saphan weren in Basan. [verse 13] Also her bri|theren bi the housis of her kynredis, My|chael, and Mosollam, and Sebe, and Jore, and Jachan, and Zie, and Heber, seuene. [verse 14] These weren the sones of Abiahel, the sone of Vry, sone of Jaro, sone of Galaad, sone of Mychael, sone of Esesi, sone of Jeddo, sone of Buz. [verse 15] Also the britheren of the sone of Abdiel, sone of Gumy, was prince [the prince A.] of the hows in hise meynees. [verse 16] And thei dwelliden in Galaad, and in Basan, and in the townes therof, in alle the sub|arbis of Arnon, til to the endis. [verse 17] Alle these weren noumbrid in the daies of Joathan, kyng of Juda, and in the daies of Jeroboam, kyng of Israel. [verse 18] The sones of Ruben, and of Gad, and of half the lynage of Manasses, weren men werriours, berynge scheeldis and swerdis, and beend|ynge

bouwe, and tauȝt to [in I.] batels, foure and fourti thousynde seuene hundrid and [verse 19] sixti, and thei ȝeden forth to batel, and fouȝten aȝens Agarenus. Forsothe Ethu|reis, [verse 20] and Napheis, and Nadab, ȝauen help to hem; and Agarenus, and alle men that weren with hem, weren bitakun in to the hondis of Ruben, and Gad, and Manasses; for thei clepiden inwardli the Lord, while thei fouȝten, and the Lord herde hem, for thei `hadden bileuyd [bileuyden C.] in to him. [verse 21] And thei token alle thingis whiche Agarenus had|den in possessioun, fifti thousynde of ca|mels, and twei hundrid and fifty thou|synde of scheep, twei thousynde of assis, and an hundrid thousynde persoones [of persones I.] of [verse 22] men; for many men weren woundid and felden doun; for it was the batel of the Lord. And thei dwelliden for Agarenus til to the conquest. [verse 23] Also the sones of the half lynage of Manasses hadden in posses|sioun the lond, fro the endis of Basan til to Baal Hermon, and Sanyr, and the hil of Hermon; for it was a greet noumbre. [verse 24] And these weren the princes of the hows of her kynrede; Epher, and Jesi, and He|liel, and Esryel, and Jeremye, and Odoie, and Jedihel, strongeste [ful stronge I.] men and myȝti, and nemyd duykis in her meynees. [verse 25] For|sothe thei forsoken the God of her fadris, and diden fornycacioun after the goddis of puplis of the lond, whiche the Lord took awei bifor hem. [verse 26] And the Lord God of Israel reiside the spirit of Phul, kyng of Assiriens, and the spirit [the spirit; that is, wille to fiȝte aȝens the childryn of Israel. Lire here. C.] of Theglat|phalasser, kyng of Assur; and he trans|latide Ruben, and Gad, and the half lynage of Manasses, and brouȝte hem in to Ale, and Abor, and Aram, and in to the ryuer of Gozam, til to this dai.