The University of Michigan Library provides access to these materials for educational and research purposes. These materials are in the public domain. If you have questions about the collection, please contact [email protected]. If you have concerns about the inclusion of an item in this collection, please contact [email protected].
DPLA Rights Statement: No Copyright - United States
[verse 1] And Iram, the kyng of Tyre, sente mes|sageris to Dauid, and `he sente [Om. I. he sent to him S.] trees of cedre, and werk men of wallis and of trees, that thei schulden bilde to hym an hows. [verse 2] And Dauid knewe that the Lord hadde
confermyd hym in to kyng on [upon IS.] Israel; and that his rewme was reisid on [upon IS.] his puple Israel. [verse 3] And Dauid took othere wyues in Jerusalem, and gendride [he gaat I. he gendride S.] sones and douȝtris. [verse 4] And these ben the names of hem that weren borun to hym in Jeru|salem; Sammu, and Sobab, Nathan, and [verse 5] Salomon, Jeber, and Elisu, and Heli, and [verse 6] Eliphalech, and Noga, and Napheg, and [verse 7] Japhie, and Elisama, and Baliada, and Eliphelech. [verse 8] Forsothe [And IS.] the Filisteis herden that Dauid was anoyntid [anoynd A.] `in to [Om. G.] kyng on [upon IS.] al Israel, and alle [alle thei IS.] stieden [ȝeden up I. stieden vp S.] to seke Dauid [Dauith to fiȝt with him. S.] . And whanne Dauid hadde herd this thing, he ȝede out aȝens hem. [verse 9] Forsothe [And IS.] Filisteis camen, and weren spred abrood in the [verse 10] valey of Raphaym; and Dauid counselide the Lord [Lord, that is, he took counsel of the Lord S.] , and seide, Whether Y schal stie [stie up IS.] to Filisteis [the Filisteis I.] ? and whether thou schalt bitake hem in to myn hondis? And the Lord seide to hym [Dauid IS.] , Stie thou [thou up IS.] , and Y schal bitake hem in [into FKLXb.] thin hond. [verse 11] And whanne thei [the Philistees I. Filisteis S.] hadden styed [styed up IS.] in to Baal Pharasym, Dauid smoot hem there, and seide, God hath departid myn enemyes bi myn hond, as watris ben departid. And therfor the name of that place was clepid Baal Pharasym; [verse 12] and thei leften there her goddis, which [the which I.] Dauid comaundide to be brent. [verse 13] Forsothe [And IS.] another tyme Filisteis [the Filisteis IS.] felden in, and [verse 14] weren spred abrood in the valei; and eft Dauid counseilide [was counselid be S.] the Lord, and the Lord seide to hym, Thou schalt not stie [stie up IS.] aftir hem; go awei fro hem, and thou schalt come aȝens hem euen aȝens the pere trees. [verse 15] And whanne thou schalt here the sowun of a goere in the cop [cop or heiȝt S.] of the pere trees, thanne thou schalt go out to batel; for the Lord is go out byfor [to fore S.] thee, to smyte the castels [powers IS.] of Filisteis. [verse 16] Therfor Dauid dide as God comaundide to hym, and he smoot the castels [powers IS.] of Filisteis fro Gabaon `til to [to X.] Gazara. [verse 17] And the name of Dauid was
