The Holy Bible, containing the Old and New Testaments, with the Apocryphal books,

CAP. XIX.

[verse 1] Forsothe Achab telde to Jezabel alle thingis whiche [that I.] Elie hadde do, and how he hadde slayn by [with I.] swerd alle the pro|phetis of Baal. [verse 2] And Jezabel sente a mes|sanger to Elie, and seide, Goddis do these thingis to me, and adde these thingis [thingis to I.] , no but to morewe in this our Y schal putte thi lijf as the lijf of oon of hem. [verse 3] Therfor Elie dredde [Eli dredde; God suffride him for to drede, by mannus freelte, lest he were reisid ouer myche, of the stidefastnesse bifor goinge. Lire here. C.] , and roos, and ȝede whidur euer wille [his wille I.] bar hym; and he cam in to Bersabe of Juda, and he lefte there his [verse 4] child; and ȝede in to deseert, the weie of

o dai. And whanne he cam, and [he I.] sat vndir o iunypere tre, he axide to his soule, that he schulde die; and he seide, Lord, it suffisith to me, take my soule; for [certis I.] Y am not betere than my fadris. [verse 5] And he castide forth hym silf, and slepte in the schadewe of the iunypere tree [the iunypere tre, which is a tre wexynge in desert, whos schadewe ser|pentis fleen, as Plyneus seith. Lire here. C.] . And lo! the aungel of the Lord touchide hym, and seide to hym, Rise thou, and ete. [verse 6] He bihelde, and, lo! at his heed was a loof bakun vndur aischis [askys L.] , and a vessel of watir. Therfor he [Hely I.] ete, and drank, and slepte eft. [verse 7] And the aungel of the Lord turnede aȝen the secounde tyme, and touch|ide hym; and `the aungel [he I.] seide to hym, Rise thou, and ete; for a greet weie is to thee. [verse 8] And whanne he hadde rise, he ete, and drank; and he [Hely I.] ȝede in the strengthe of that mete bi [Om. DGIKMNOQSWbç.] fourti dayes and fourti nyȝtis, `til to [vnto I.] Oreb, the hil of God. [verse 9] And whanne he hadde come thidur, he dwell|ide in a denne; and lo! the word of the Lord `was maad [Om. plures.] to him, and seide to hym, Elie, what doist thou here? [verse 10] And he answeride, Bi feruent loue [feruent loue; that is, of al the herte. Lire here. C.] Y louede [haue loued I.] feruentli, for the Lord God of oostis; for the sones of Israel forsoken [han forsake I.] the couenaunt of the Lord; thei destrieden [han destried I.] [feruent loue; that is, of al the herte. Lire here. C.] thin auters, and killiden [killid I.] bi [with I.] swerd thi prophetis; and Y am left aloone, and thei seken my lijf, that thei do it awei. [verse 11] And he [the Lord I.] seide to Elie, Go thou out, and stonde in the hil, bifor the Lord. And lo! the Lord passith, and a greet wynde, and strong [a strong I.] , turnynge vpsodoun hillis, and al to brekinge stonys bifor [blowith before I.] the Lord; not in the wynde ys the Lord. And aftir the wynd is a stir|ynge; not in the stiryng is the Lord. [verse 12] And [Om. S.] aftir the stiryng is fier [a fier I.] ; not in the fier is the Lord. And aftir the fier is the [an I.] issyng of thinne wynd [wynd, or brethinge softly I.] ; there is the Lord. [verse 13] And whanne Elie hadde herd this, he hilide his face with a mentil, and he ȝede out, and stood in the dore of the denne. And a vois spak to hym, and seide, Elie,

what doist thou here? [verse 14] And he answeride, Bi [With I.] feruent loue Y louede [haue loued I.] feruentli, for the Lord God of oostis; for the sones of Israel forsoken [han forsake I.] thi couenaunt; thei dis|trieden [han destried I.] thin auteris, and thei killiden [han killid I.] bi [with I.] swerd thi prophetis; and Y am left aloone, and thei seken my lijf, that thei do it awey. [verse 15] And the Lord seide to hym, Go, and turne aȝen in to thi weie, bi the deseert, in to Damask; and whanne thou schalt come thidur, thou schalt anoynte [verse 16] Asahel kyng on [upon I.] Sirie; and thou schalt anoynte kyng on [upon I.] Israel Hieu, the sone of Namsi; sotheli [and I.] thou schalt anoynte pro|phete [a prophete I.] for thee, Elise, sone [the sone CI.] of Saphat, which [that I.] is of Abelmeula. [verse 17] And it schal be, who euer schal fle the swerd of Asa|hel, Hieu schal sle hym; and who euer schal fle the swerd of Hieu, Elise schal sle hym. [verse 18] And Y schal leeue to me in Israel seuene thousynde of men, of whiche the knees ben not bowid bifor Baal, and ech mouth that worschipide not hym, and kisside hond [not his hond I.] [kisside hond; that is, of the ydol, to reue|rence therof, ether his owne hond, as Job seith, If Y kisside myn hond, which is the moste wickidnesse, that is idola|trie. Lire here. C.] . [verse 19] Therfor Elie ȝede forth fro thennus, and foond Elise, sone [the sone I.] of Sa|phat, erynge in twelue ȝockis of oxis [oxen I.] ; and he was oon in the twelue ȝockis of oxys [oxen I.] , erynge. And whanne Elie hadde come to hym, Elie castide his mentil on [upon I.] hym. [verse 20] Which [And he I.] ran anoon after Elie, whanne the oxis [oxen I.] weren left, and seide, Y preie thee, kysse Y my fadir and my modir, and so Y schal sue thee. And Elie seide to hym, Go thou, and turne aȝen, for [certis I.] Y haue do to thee that that was myn. [verse 21] `Sotheli he [And Helisee I.] turnede aȝen fro Elie, and took tweine [the two I.] oxis [oxen IK.] , and killide hem [Helizee slewe hise oxen, and fedde pore men of that that he hadde, that he were not lett bi worldli hauing to sue the pro|phet. Ambrose. I.] ; and with the plow of oxis [the oxen I. oxen K.] he sethide the fleischis [fleish I.] , and ȝaf [ȝaf hem I.] to the puple, and thei eeten; and he [Helisee I.] roos [roos up I.] , and ȝede, and suede Elie, and `my|nystride to [seruyde I.] hym.