[Prologue on the Second book of Kings [This Prologue is from M.] .]
THIS secounde book of Kingis makith mencioun of the coronacioun of Dauith, first in Ebron bi the men of Juda, and aftirward in Jerusalem of al the peple of Israel; and of his werres; and how the Lord punischide Dauith with grete angwischis and disesis for the deeth of Vrie his seruaunt, and for the rauyschinge of Bersabee, the wijf of Vrie, and seide to him bi the profete, that werris scholden not ceese fro him in alle hise daies. Neuertheles the Lord louede Dauith, and ȝaf victorie to him of alle hise enemyes.