The Holy Bible, containing the Old and New Testaments, with the Apocryphal books,

CAP. IX.

[verse 1] And Dauid seide, Whether ony man is, that lefte of the hows of Saul, that Y do mercy with hym for Jonathas? [verse 2] Forsothe [And ther was I.] a seruaunt, Siba bi name, was [Om. I.] of the hous of Saul; whom whanne the kyng hadde clepid to hym silf, `the kyng [he I.] seide to hym, Whethir thou art not Siba? And he an|sweride, Y am thi seruaunt. [verse 3] And the kyng seide, Whether ony man lyueth of the hows of Saul, that Y do with hym the mercy of God? And Siba seide to the kyng, A sone of Jonathas lyueth, feble [the whiche is sijk I.] in the feet. [verse 4] The [And the I.] kyng seide, Where is he? And Siba seide to the kyng, Lo! he is in the hows of Machir, sone [the sone I.] of Amyel, in Lodabar. [verse 5] Therfor `Dauid the kyng [kyng Dauid I.] sente, and took hym [Jonathas sone I.] fro the hows of Machir, sone [the sone I.] of Amyel, fro Lodobar. [verse 6] Forsothe [And I.] whanne Myphibosech, the sone of Jonathas, sone of Saul, hadde come to Dauid, he felde in to his face, and wor|schipide [worschipe A.] . And Dauid seide, Myphibosech! Which [And he I.] answeride, Y am present, thi ser|uaunt. [verse 7] And Dauid seide to hym, Drede thou not, for Y doynge schal do mersi to thee for Jonathas, thi fadir; and Y schal restore to thee alle the [Om. I.] feeldis of Saul, thi fadir, and thou schalt ete breed in my boord [table I.] euere. [verse 8] Which [The which I.] worschipide him, and seide, Who am Y, thi seruaunt, for thou hast biholde on [upon I.] a deed dogge [hound I.] lijk me? [verse 9] Therfor the kyng clepide Siba, the child of Saul; and seide to hym, Y haue ȝoue to the sone of thi lord alle thingis, which euer weren of Saul, and al the hows of [verse 10] hym; therfor worche thou the lond to hym, thou, and thi sones, and thi ser|uauntis, and thou schalt brynge in meetis to the sone [to the sone, etc.; that is, to Myca, sone of Myphiboseth, who is now thi lord. Lire here. C.] of thi lord, that he be fed; forsothe [but I.] Myphibosech, sone [the sone I.] of thi lord, schal ete euer breed on [of I.] my bord. Sotheli [And I.] fiftene sones and twenti seruauntis weren to Siba. [verse 11] And Siba seyde to the kyng, As

thou, my lord kyng, hast comaundid to thi seruaunt, so thi seruaunt schal do; and Myphibosech, as oon of the sones of the kyng, schal ete on [upon I.] thi boord. [verse 12] For|sothe [And I.] Myphibosech hadde a litil sone, Mycha bi name; sotheli [And I.] al the meyne of the hows of Siba seruyde Myphibosech. [verse 13] Forsothe [And I.] Myphibosech dwellide in Jeru|salem; for he eet contynueli of the kingis boord, and was [he was I.] crokid [halt I.] on either foot.