The Holy Bible, containing the Old and New Testaments, with the Apocryphal books,

CAP. XXIX.

[verse 1] Therfor alle the cumpenyes of Filisteis [the Filisteis I.] weren gaderid in [in to I.] Aphec, but also Israel settide tentis aboue the welle that was in Jezrael. [verse 2] And sotheli the princis of Fi|listeis [Philistee I.] ȝeden in cumpenyes of an hundrid, and in thousyndis; forsothe [but I.] Dauid and hise men weren in the laste cumpenye with Achis. [verse 3] And the princes of Filisteis seiden to Achis, What wolen these Ebreis to hem silf? And Achis seide to the princes of Filisteis, Whether ȝe knowen not Dauid, that was the seruaunt of Saul, kyng of Israel? and he was with me in [Om. I.] many daies, `ether ȝeeris [Om. C.] , and Y foond not in hym ony thing [ony thing; of ymagynyng to yuel, which schulde be per|seyued in so long tyme, if it hadde be verily in him. Lire here. C.] , fro the dai, in which he fledde to me `til to [vnto I.] this dai. [verse 4] Sotheli [Certis I.] the princes of Filisteis weren wrooth aȝens hym [Achis I.] , and seiden [thei seiden I.] to hym, The man turne aȝen, and sitte [abide he I.] in his place, in which thou hast ordened hym, and come he not down with vs in to batel, lest he be maad aduer|sarie to vs, whanne we han bigunne to fiȝte; for hou mai he plese his lord in other maner, no [Om. I.] but in oure heedis? [verse 5] Whether this is not Dauid, to whom thei sungen in daunsis, and seiden, Saul smoot in thousyndis, and Dauid smoot in hise ten thousyndis? [verse 6] Therfor Achis clepide Dauid, and seide to hym, The Lord lyueth; for thou art riȝtful, and good in my siȝt, and thi goyng out and `thin entryng [thi comyng yn I.] is with me in castels [tentis I.] , and Y `foond not [haue not founden I.] in thee ony thing of yuel, fro the day [tyme A.] in which thou camest to me til to this dai; but thou plesist not the princis [princis or satrapis I.] . [verse 7] Therfor turne thou aȝen, and go in pees, and offende thou not the iȝen

of princis [the princis CEFL. the satrapis I.] of Filisteis [the Filisteis I.] . [verse 8] And Dauid seide to Achis, Forsothe [And I.] what `dide Y [haue I do I.] , and what hast thou founde in me thi seruaunt, fro the dai in which Y was in thi siȝt til in to this dai, that Y come not, and fiȝte aȝens the enemyes of my lord the kyng? [verse 9] Forsothe [And I.] Achis answeride, and spak to Dauid, Y woot that thou art good, and as the aungel of God in my iȝen; but the princes of Filisteis seyden, He [Dauid I.] schal not stie [stie up I.] with vs in to batel. [verse 10] Therfor rise thou [thou up I.] eerli, thou, and thi seruauntis that camen with thee; and whanne ȝe han ryse bi nyȝt, and it bigynneth to be cleer [cleer day I.] , go ȝe [ȝe forth I.] . [verse 11] Therfor Dauid roos [roos up I.] bi nyȝt, he and hise men, that thei schulden go forth eerli, and turne aȝen to the lond of Fylisteis; sotheli [but the I.] Filisteis stieden [stieden up I.] in to Jezrael.