The Holy Bible, containing the Old and New Testaments, with the Apocryphal books,

CAP. VI.

[verse 1] Jericho forsothe was closid and waardid, for drede of the sones of Irael, and no man dorst goo in, or goo out. [verse 2] And the Lord seide to Josue, Loo, Y haue ȝeue into thin hoondis Jericho, and the kyng of it, and alle the stronge men. [verse 3] Gooth about the cytee, alle ȝe [the B.] fiȝters, to gidre bi the day; so ȝe shulen do six days. [verse 4] For|sothe the seuenthe day the prestis shu|len taak seuen trompes, whos vse is in the iubile; and go thei before the arke of the boond of pees; and seuen sithis [sithe BFH.] ȝe shulen goo about the cyte, and the prestis shulen crye with the trompes. [verse 5] And whanne the voyce of the trompe lenger and thicker [more braggynge E pr. m.] ful sowneth, and in ȝoure eeris braggith, al the puple shal crye with moost [a moost CE.] out crye; and the wallis of the cyte shulen fuldoun falle, and eche shal goon in bi the place, aȝens the which thei stoden. [verse 6] Josue thanne, the sone of Nun, clepide [cleep EF.] the prestis, and seide to hem, Taak ȝe the arke of the boond of pees, and seuen other prestis taak thei seuen trompes of the iubilees, and goo thei before the arke of the Lord. [verse 7] For|sothe to the puple he seith, Gooth, and enuyrowneth the cite, aarmed goynge be|fore the arke of the Lord. [verse 8] And whanne Josue hadde eendid the [thes A.] wordis, and seuen preestis with seuen trompes crieden be|fore the arke of the boond of pees of the [verse 9] Lord, and al the puple aarmed wente be|fore, the left comouns folowid the arke,

and with trompes alle thingis thei sown|eden. [verse 10] Forsothe Josue comaundide to the puple, seiynge, Ȝe shulen not crye, ne shal be herd ȝoure voyce, ne eny word of ȝoure mouth shal goon out, to the tyme that the day come, in the [Om. C.] which Y schal seye to ȝow, Crieth, and with an out voyce crieth. [verse 11] Thanne the arke of the Lord enuyrounde `the cyte [Om. A.] onys bi day, and turned aȝen into the tentis dwellide there. [verse 12] Thanne Josue rysynge fro [at E pr. m.] nyȝt, the preestys token the arke of the Lord; [verse 13] and seuen of hem seuen trompes, of the whiche vse is in the iubilee; and thei wenten before the arke of the Lord, go|ynge and trompynge; and the puple armed wente before hem. Forsothe that other comouns folwide the arke, and with trompis sownede. [verse 14] And thei wenten a boute the citee the secounde day onys, and turneden aȝen into the tentis; so thei diden sixe days. [verse 15] Forsothe the seuenthe day eerly rysynge wenten about the cytee, as it was disposid, seuen sithes [sithe BFH.] . [verse 16] And whanne the seuenthe goynge about the prestis cryeden with trompes, Josue seyde to al Yrael, With an out voice crie ȝe; forsothe the Lord hath taak to vs the [verse 17] citee; and be this cyte cursid, and alle thingis that in it ben to the Lord. Alone Raab the strompet lyue, with alle that with hir in hows ben; forsothe she hidde messangeris [mansongers E.] `the whiche [that C.] we senten. [verse 18] Ȝe forsothe beth war, lest of thes thingis that ben comaundid eny thing ȝe towchen, and ben gilti of trespasse; and alle the tentes of Yrael be vndur synne, and dis|tourblid. [verse 19] Forsothe what euer thing of gold and of siluer were, and of brasen vesselis, and of yren, to the Lord be it halowid, put vp in the tresours of hym. [verse 20] Thanne al the puple criynge out, and criynge the trumpis, after that into the

eeris of the multitude the sown braggide, the wallis anoon fellen down; and echon styeden vp bi the place that aȝens hem was. [verse 21] And thei token the cytee, and slewen alle that weren in it, fro man vnto womman, fro ȝonge vnto oold; for|sothe oxen, and sheep, and assis, in mouth of the [Om. C.] swerd thei smyten. [verse 22] To the two men forsothe, that aspiers weren sente, seide Josue, Gooth into the hows of the womman strompet, and brynge [bringeth C.] hir forth, and alle that ben of hir, as to hir bi ooth ȝe han stedefastly seide. [verse 23] And the ȝonge [ȝonge men B sec. m.] goon yn, ladden out Raab, and hir eldris, bretheren forsothe, and al purtenaunce to houshold, and al the kynrede of hir; and out of the tentis of Yrael thei maden to dwelle. [verse 24] Forsothe the cyte, and al that were foundun [Om. E pr. m.] in it, thei brenten, with outen the gold, and siluer, and brasen vessels, and yren, `the whiche [that C.] into the tresory of the Lord thei sacriden. [verse 25] For|sothe Raab strompet, and the hows of hir fader, and al that she hadde, Josue made to lyue; and thei dwelten in the myddil of Irael, vnto the present day; forthi that she hidde the messangers, `the whiche [that C.] he hadde sent for to aspie Jery|cho. In that tyme Josue curside [aȝeyns preyde E pr. m.] , sei|ynge, [verse 26] Cursid the man before the Lord, that rerith vp or bildith Jericho cyte! In his first goten ligge [leie C. leeche E pr. m. legge sec. m.] he the foundementis of it, and in the [his E pr. m.] last of the free children putte he the ȝatis of it. [verse 27] Was thanne the Lord with Josue, and the name of hym is pupplishid in al the loond.