the sones of Yrael in the hil of mens ȝerdis. [verse 4] Forsothe this is the cause of the secounde circumcicioun; al the puple that wente out of Egipte of maal kynde, alle the men fiȝters, ben deed in deseert bi [verse 5] mooste longe enuyrounyngis of weye, the whiche alle weren circumcidid. Forsothe [verse 6] the puple that is bore [hoor A.] in deseert bi fourti ȝeer, in the weye of moost wyde wilder|nesse, were [was E.] vncircumcidid to the tyme that thei weren wastid, that han not herd the voyce of the Lord, and to whom be|fore [Om. ABFH.] he swore, that he wold shewe hem the loond flowynge mylk and hony. [verse 7] Of thes the sones camen after into stede of the faders, and ben circumsidid of Josue; the whiche, as thei weren born, weren in hoolnes of her ȝerdes, ne hem in the weie eny man circumcidide. [verse 8] Forsothe after that alle ben circumcidid, thei dwelten in the same place of her tentis, to the tyme that thei weren helid. [verse 9] And the Lord seide to Josue, To day I haue taak aweye the reproof of Egipt fro ȝowe [nowe A.] . And the name of that place is clepid Galgala, vnto the day that is nowe. [verse 10] And the sones of Yrael dwelten in Galgalis, and diden pask the fourtenthe day of the moneth at euen, [verse 11] in the wilde feeldys of Jerycho; and thei eeten of the fruytis of the erthe that [the C.] other day, therf looues, and corn powned of the same ȝeer. [verse 12] And manna faylide after that thei eeten of the fruitis of the erthe; ne the sones of Yrael vseden na more that meet, but eten of the fruytis of the present ȝeer of the loond of Cha|naan. [verse 13] Forsothe whanne Josue were in the feeld of the cytee of Jerycho, he reryde the eyen, and sawȝ a man aȝens hym stondynge, and holdynge a drawen out swerd; and he wente to hym, and seith, Oure thou art, or of the aduersa|ries? [verse 14] `The which [to whom E pr. m.] answerde, Nay, but
