The Holy Bible, containing the Old and New Testaments, with the Apocryphal books,

CAP. III.

[verse 1] Therfor Josue, fro nyȝt arysynge [risende C.] , me|uede the tentis; and thei goynge fro Se|chym camen to Jordan, he and alle the sones of Yrael, and dwelten there bi thre dais. [verse 2] The which ouerpassid, wenten be|dels [verse 3] bi the mydil of the tentis, and bi|gunnen to crye, Whanne ȝe seen the ark of the boond of pees of the Lord oure God, and prestis of the lynage of Leuy berynge it, forsothe ȝe togidre riseth, [verse 4] and folwe ȝe the forgoers [forgers B pr. m. FH.] ; and [Om. E pr. m.] be there betwixe [bytwene BEFH. betwe C.] ȝou and the ark a space of cubitis two thowsand, that aferre ȝe mowen se, and knowe bi what weye ȝe goon, for bifore ȝe han not goon bi it; and be war, that ȝe neȝen not to the ark. [verse 5] And Josue seide to the puple, Be ȝe hal|wid; forsothe to morwe the Lord shal do amonge ȝow merueyls. [verse 6] And he seith to the prestis, Takith the ark of the boond of pees of the Lord, and gooth before the puple. The whiche the heestis fulfillynge token, and wenten before hem. [verse 7] And the Lord seide to Josue, To day Y shal bi|gynne to enhaunce thee before all Yrael, that thei knowen, that as I was with Moyses, so and I am with thee. [verse 8] For|sothe thow comaund to the preestis, that beren [thei beren C.] the ark of the boond of pees, and sey thou to hem, Whanne ȝe weren goon in a paart of the watre of Jordan, stoond|ith in it. [verse 9] And Josue seide to the sones of Yrael, Cometh hidre, and herith the word of the Lord oure God. [verse 10] And eft, In this, he seith, ȝe shulen wyte that the Lord God lyuynge in the mydil of ȝow is; and he shal scatre in ȝoure siȝt Cha|nane, Ethe, Euee, and Pherese, Gergese forsothe, and Jebuse, and Amorre. [verse 11] Loo! the arke of the boond of pees of the Lord of al erthe shal goo before ȝow thurȝ Jordan. [verse 12] Makith redy twelue men of

twelue lynagis of [by B.] Irael, eche bi eche lynagis. [verse 13] And whanne han put the steppis of her feet the preestis, that beren the arke of the boond of pees of the Lord God of al erthe, in the watres of Jordan, the watres that ben nethermore shulen renne, and fayle [falle C pr. m.] ; forsothe tho that camen fro aboue shulen stoond togidre in o glob. [verse 14] Thanne wente out the puple fro her tabernaclis [tabenaclis A.] , that thei passen ouer Jor|dan; and the preestis that beren the arke of the boond of pees ȝeden before hym. [verse 15] And hem goon into Jordan, and the feet of hem wet yn paart of the water; Jor|dan forsothe fulfillide the brenkis of his [verse 16] trowȝ in tyme of heruest; the watris dessendynge stoden in o place, and at liknes of an hil mych swellynge thei apereden ferre fro the cyte that was clepid Edom, vnto the place Sarthan; forsothe thoo that weren nethermore, into the see of wildernes, that now is clepid deed, dessendiden, forto thei vt|terly failiden. [verse 17] Forsothe the puple wente aȝen Jordan; and the preestis, that beren the arke of the boond of pees of the Lord, stoden gyrd vpon [vp vpon CE.] the drye erthe in the middil of Jordan, and al the puple pass|ide ouere thurȝ the drye trowȝ.