The Holy Bible, containing the Old and New Testaments, with the Apocryphal books,

CAP. XIX.

[verse 1] And the secounde lot of the sones of Symeon is goon out, bi his [her C.] kynredis; [verse 2] and was the herytage of hem in the mydil of the possessioun of the sones of Juda, Bersabee, and Sabee, and Melada, [verse 3] and Asersualbala, and Asem, and Beltho|laad, [verse 4] and Bethularma, and Sicelech, and [verse 5] Bethmarthaboth, and Asersua, [verse 6] and Beth|elaboth, and Saroem, cytees thretteen, [verse 7] and the touns of hem; Aym, and Rem|mon, and Athar, and Asam, citees foure, [verse 8] and the touns of hem; alle the litil touns bi enuyroun of thes citees, vnto Balath Brameth, aȝens the south coost, were cytees seuenteen. This is the herytage of the sones of Symeon, after [bisidys E pr. m.] her kyn|redis, [verse 9] in the possessioun and litil coord of the sones of Juda, for he was more; and therfor the sones of Symeon hadden possessioun in the mydil of the herytage of hym. [verse 10] And the thridde lot felle of the sones of Zabulon, bi her kynredis; and the teerme of the possessioun of the sones of Zabulon is maad vnto Sarith,

[verse 11] and stiede [steȝeth CE.] vp fro the see, and Medala, and cometh in to Debbaseth, vnto the [verse 12] streem that is aȝens Jesenam; and turneth fro Saryth, aȝens the est, into the eendis of Secelech Thabor; and gooth out to Da|bereth; [verse 13] and stieth vp aȝens Jasie; and thens passith to the est coost, Gethepher, and Thachasym; and geeth out into Rem|mon, [verse 14] Amphar, and Noa; and gooth about to the north, and Nachon; and the goynge [verse 15] out of it ben of the valey of Jeptael, and Cathel, and Neamay, and Semrom, and Jedaba, and Bethleem, citees twelue, and the touns of hem. [verse 16] This is the herytage of the lynage of the sones of Zabulon, bi her kynredis, and citees, and touns of hem. [verse 17] Of Ysachar wente out the feerth [verse 18] lot, bi his kynredis; and his heritage was [verse 19] Jezrael, and Cathsaloth, and Symeon, and [verse 20] Effraym, and Seon, and Anaarath, and [verse 21] Cabith, and Cesyon, Hames, and Ra|mech, and Enganym, and Enadda, and Bethfeses. [verse 22] And the teerme of it cometh vnto Thabor, and Seesyma, and Heth|semes; and the goyngis out of it weren of Jordan, cytees sexteen, and the touns of hem. [verse 23] This is the possessioun of the sones of Ysachar, bi her kynredis, cytees, and litil touns of hem. [verse 24] And felle the fifthe lot to the lynage of the sones of [verse 25] Aser, bi her kynredis; and the teermes of hem was Alchat, and Acly, and Bethen, [verse 26] and Mesaph, and Elmelech, and Amaad, and Messal; and cometh unto Carmyl of [verse 27] the see, and Syor, and Labanath; and tornith aȝens the est of Bethdagan, and passith vnto Zabulon, and the valey of Jeptael, aȝens the north, into Bethemeth, and Neiel; and gooth out to the left of [verse 28] Cabul, and Acram, and Roab, and Omy|non, [verse 29] and Chane, vnto greet Sydon; and turneth aȝen into Horma, vnto the `moost strengthid [leste E pr. m.] cytee Tyrum, and vnto Osam;

and the goyngis out of it shulen be into [verse 30] the see, fro the litil coord Aczima, and Affeth, and Roab; cytees two and twenti, and the touns of hem. [verse 31] This is the pos|sessioun of the sones of Aser, bi her kyn|redis, citees, and the [Om. A.] touns of hem. [verse 32] Of the sones of Neptalym the sext lot fel, bi [verse 33] her meynees; and bigunne the teerme fro Heleth, and Helon, and Sannayra, and Adarny, that is Neseb, and Jebnael, vnto Letun; and the goynge out of hem unto [verse 34] Jordan; and cometh aȝen the teerme, aȝens the west, in Arnoth Thabor; and thens gooth out in to Hucota, and passith into Zabulon, aȝens the south, and into Asor, aȝens the west, and into Juda, at Jordan, [verse 35] aȝens the rysyng of the sunne; of the `moost strengthid [leste E pr. m.] cite [Om. ABFH.] Assedyn, Ser, and [verse 36] Amraath, and Rechath, and Cenereth, and [verse 37] Edema, and Arama, Asor, and Cedes, [verse 38] and Edray, and Nason, and Jeron, and Magdael, Horem, and Bethanath, and Bethsemes; citees nynteen, and the touns of hem. [verse 39] This is the possessyoun of the lynage of the sones of Neptalym, bi her kynredis, citees, and the litil touns of hem. [verse 40] To the lynage of the sones of Dan, bi her meynees, wente out the seuenthe [verse 41] lot; and was the teerme of his possessioun Saraa, and Aschahol, and Darsemes, that [verse 42] is, the cytee of the sunne, Selenym, and [verse 43] Haylon, and Jethela, and Helom, and [verse 44] Thenna, and Acrom, and Hethesem, and [verse 45] Jebtom, and Baalath, Lud, and Beneba|rach, [verse 46] and Jethremmon, and Yharchon, and Arechon, with the teerme that bi|holdith [verse 47] Joppen, and with that eend is closid. And the sones of Dan stieden vp, and fouȝten aȝens Lesem, and token it, and smyten it in mouth of swerd, and weeldiden, and dwelten in it, clepynge the name of Lesan Dan, of the name of Dan, his fader. [verse 48] This is the possessioun of the lynage of the sones of Dan, bi her

kynredys, cytees, and litil touns of hem. [verse 49] And whanne he hadde fulfillid bi lot the loond to dyuyde to eche bi his [her A.] lynagis, ȝeuen the sones of Yrael possessioun to Josue, the sone of Nun, in her [his E pr. m.] mydil, [verse 50] after the heest of the Lord, the citee that he askide, Thannath Sara, in the hil of Effraym; and he bildide [bilde BCFH.] the cytee, and dwellide in it. [verse 51] Thes ben the possessiouns that bi lot dyuydeden Eleazar [Aleazar A.] , the preest, and Josue, the sone of Nun, and the princes of the meynees, and of the lynagis of the sones of Yrael, in Silo, before the Lord, at the dore of the tabernacle of witnessynge, and partiden the loond.