The Holy Bible, containing the Old and New Testaments, with the Apocryphal books,

CAP. XIV.

[verse 1] This is that the sones of Yrael weeld|iden in the loond of Chanaan, the whiche ȝeuen to hym Eleazar the preest, and Josue, the sone of Nun, and princis of

[verse 2] the meynees bi the lynagis of Yrael, bi lot alle thingis dyuydynge, as the Lord comaundide in the hoond of Moyses, to nyne lynagis and to an half lynage. [verse 3] For|sothe Moyses ȝaf to the two lynages and to the half lynage biȝond Jordan posses|sioun; with outen the Leuytis, that no thing of erthe token among her bri|theren; [verse 4] but into the place of hem camen the sones of Joseph, into two lynagis dy|uydid, Manasse, and Effraym. And Le|uytis token noon other paart in the loond, but cytees to dwelle yn, and sub|urbis of hem to howsbeestis and his [her C.] feeld beestis to be fed. [verse 5] As the Lord co|maundide to Moyses, so the sones of Yrael diden, and dyuydeden the loond. [verse 6] And so the sones of Juda wenten to Josue in Galgalis; and Caleph, the sone of Jephone Cenezeus, spak to hym, Thou hast knowun, what the Lord hath spokun to Moyses the man of God of [for E pr. m.] me and of thee in Cades Barne. [verse 7] Of fourti ȝeer Y was, whanne Moyses, the seruaunt of the Lord, sente [sende E.] me fro Cades Barne forto bihold the loond, and I toolde to hym, that me semed sooth. [verse 8] Forsothe my bre|theren, that stieden vp with me, dis|coumfortiden [myslosedyn E pr. m.] the herte of the puple, and neuerthelater [nerthelatere CE.] Y folwide the Lord my God. [verse 9] And Moyses swore in that day, seiynge, The loond, that thi foot shal treed, shal be thi possessioun, and of thi sones with out eend; for thou hast folwid the Lord thi God. [verse 10] Forsothe the Lord hath grauntid to me lijf, as he hath bi|hoot vnto the day that is nowe. Fyue and fourti ȝeer ben, sith the Lord spak this word to Moyses, whanne Yrael wente thurȝ wildirnes. To day Y am of fyue [verse 11] and eiȝti ȝeer, so myȝti, as that tyme Y was myȝti, whanne Y was sent to aspie;

the strength of that tyme in me vnto to [Om. BF.] day abydith stil, as wel to fiȝt, as to goo. [verse 12] Ȝyf thanne to me this hil, the which [that C.] the Lord hath bihoot to me, thee forsothe herynge, in the which ben Ena|chym, and greet citees and strengthid [litul E pr. m.] ; if perauenture the Lord be with me, and shal mowe doo aweye hem, as he hath bihoot to me. [verse 13] And Josue blisside to hym, and took to hym Ebron into pos|sessyon. [verse 14] And fro that tyme Ebron was to Caleph, the sone of Jephone Ceneze, vnto the present day; for he folwide the Lord God of Yrael. [verse 15] The name of Ebron before was clepid Caryatharbe. Adam moost greet there in the loond of Ena|chym was set; and the loond ceesside fro bataylis.