His Ax þat guod was to his mester,
And bi gan for to wurchen þer.
He wende for to spede wel,
For he was liȝht and eke snel;
Ake he failede, ase us seith þe bok,
Line 1390
At þe leste more þane a fot,
þat bi so muche it was schortore
þane Josep it hadde deuised erore.
þo Josep it hadde vnder þouȝt
þat þet treo was mis wrouȝt,
Line 1395
He wrathþede him sone in is þouȝt,
For he it ne miȝhte a mendi nouȝt,
And bi gan to chide wunderliche
With is grom certeinliche
And corsede him swyþe lodliche.
Line 1400
þo seide Jhu wel mildeliche:
Josep, no þing ne wrathþe þe!
Swyþe wel it schal a mended beo;
Josep, hold þou þi pays nouþe
And ne lat no swuch word out of þi mouþe!
Line 1405
Here heold ihc þat on ende of þat treo and Josep þat oþur, and Jhc drouȝ þat on ende þat it was long i nouȝh of mesure.
JOsep him heold þo ful stille in þouȝt,
Ne dorste he is grom blami nouȝt,
And ȝif he wolde, i segge it eov,
Wrathþi him wolde þare fore Jesu.
Jesus louede Josepe a riȝht,
Line 1410
And Josep Jhm bi daye and niȝht.
Jhc seide to Josepe: cum ner,
For ichulle beo at þulke ende þer, [Ms. ursprünglich at þat, þulke ist übergeschrieben und þat getilgt.]
And þusse ende here þou most abide,
þat þou ne mowe on neiþer side!
Line 1415
Hold nou faste þat i tok þe,
