Here drof Josep a wei Jhm and seide þat he ne scholde none lenguore duelle with him, for he was so muche i blamed for is dedes.
JEsus in þe age of seue ȝer eode,
Line 1130
ȝwane he a rerde þis children dede.
Hom he geth sethþe with guod espleit;
And Josep hath þus to Jhm i seid:
I ne mot soffri in none manere
þat þou beo lenguore with me here;
Line 1135
Ne þine dedes nouȝt I ne de sire,
For huy me fallez ofte to Ire;
For alle þe Maistres of Mi pere
And al þe contre a boute here
And muche folk al so of mi sibrede
Line 1140
Me habbuth i charget and i bede [folio 18]
þat þou beo fram me i bounde
And non more here i founde,
And, bote þou beo, for soþe i seiȝe
þat þou beo i driue out of þis contreie;
Line 1145
For þou art folliche of seuen ȝer elde
And liȝht and miȝht þi sulf wel welde;
þou nere neuere wrong doinde
Ne to noman vuel spekinde:
þou miȝht with þe lasse care
Line 1150
Libben ȝware þou euere fare. —
Swuch am i nouþe ase ich am;
Ne beo for me in wrathþe non,
For i schal with mi dede
Socur finde in som stede.
Line 1155
Here cam Jhus to a deistare and seide þat he wolde fain bi leue with him. þe deistare him grauntede and bad him do alle þe cloþus in þreo Caudrones, and þe deistare eode forth fram him and liet Jhc i worþe.
JEsus nolde non lengore more,
For he was liȝt and guod of lore.
