He pulte out is finguer þo,
Line 725
And Jhus hine drou sone him to.
Feble þou art, and þat wel i se;
Ake nouȝt for þan siwe þou me!
þo Jhc hadde out i drawe, [him fehlt.]
þat child made muche plawe
Line 730
And louede Jhm wel þe more,
þane he dude er bi fore.
Here cam þe giv to þe tour, þare he hadde idon þat child, and wende finde it þere sore of hungred, and þo he no(!) fond him nouȝt, he de maiede him sore and treuwede þat Jhus hine hadde deliured.
ÞO þat child was out of prisoun
þoruȝh þe help of Jesum,
Sone þare aftur is fader cam þere,
Line 735
Swyþe wroth he was in is manere;
He gethþ þe Dore to vnsteke,
And swyþe heiȝe he gan to speke,
þo he is sone ne heorde nouȝt
And wide ȝware hine hadde i souȝt,
Line 740
Swyþe wroth he was in is wille,
Him seolf he þouȝte forto spille,
For þat he wel vnder stod
þat Jhus hine hadde i brouȝt out
With ani cunnes enchauntement.
Line 745
His bodi was þare fore in gret torment,
Ne miȝhte him helpe no solas:
For þat ilke wonder cas
þus was þe wrechche in Mourninge
For is wicke bi lefingue.
Line 750
Here ladde Josep Jhm to scole, and þe Maister hine aposede
