Here beden þe children Jhm þat he made heore pichers i hole, and Jhc so dude and tok euerech is owene picher i hol, and eoden heom hom.
ÞIs children ȝeoden forth i fere
Line 665
And beden Jhm with milde chere:
þat he þe pichers ase huy þudere hem brouȝte
Made hole a ȝein, huy him bi souȝten.
Jhesus blessede þe picheres a non:
Al hole huy stoden up ech on.
Line 670
Euerech hath hol is picher i founde
Ful of watur stondinde on grounde,
And ech on is picher sette is hond
þat bifore him wolde hanguy with wrong.
Sethþe huy gothþ heore picheres berinde
Line 675
Hom ful of watur with oute lesinge.
Heore freondes huy tolden euerech grot,
Hou Jhc hadde imad euerechches pot.
Here hudde a giv is child in an hous and bi lek hit faste, for it was i woned to gon with Jesu, and he nolde nouȝt þat it more with him code.
Nov of a child ichulle eov telle
þat louede Jhm with is wille
Line 680
And siwede Jhm in pleiȝingue;
þare fore is fader him ȝaf ofte þretninge.
To huyde is sone he hadde in Muynde,
þat Jesus him ne scholde finde;
þat child wroþeliche he gan þrete
Line 685
And seide þat he wolde him bete,
Bote he lete þe compaygnie
Of him þat i bore was of marie.
þat child weop sore and wrong is eiȝe,
For he ne moste with Jhm pleiȝe.
Line 690
He saiȝ þat for al is þrete [Ms. ursprünglich þe; þ ist aber ausgestrichen und h von anderer Hand daneben geschrieben; zu lesen ist wol þo he.]
