Here a giv lep up to Jhues scholdren and smot Jhm vuele, and Jhc him wrathþede and þe giv ful a doun ded to grounde a non.
JOscp for doute of þe men
Ladde Jhm with him hom,
Line 410
For euerechone þulke giwes
Hateden muche swete Jesus.
Anoþur giv is aftur i rounne,
Bi fore alle oþure he was þanne,
Opon Jhues scholdren he lep up þere
Line 415
And smot him vuele onder þe ere.
Jhesus with oute more to telle
cleopede him þe feondes sone of helle,
And seide: henne ne gost þou hol ne fier,
Here þe worth encombrer.
Line 420
He ful a doun ded for is gult,
Ne hadde he noþur dunt ne pult.
Here cometh þe giwes to Josep and makez gret plainte of Jhu for he hadde a child a slawe; ake sethþe Jhc hine a rerde.
Aftur al þisilke sake
gret noise huy guonne make,
þe giwes into al þe londe,
Line 425
And seiden man dude hem gret schonde. [Ms. anscheinend hom, aus ham verbessert; es ist aber wol hem zu lesen.]
Alle þeos giwes lowe and proute
Of Jhc Messie huy hadden doute
And to Marie heom playnieth þore,
Boþe þe lasse and eke þe more,
Line 430
And hotez and biddez wel Marie
þat heo schulle hire sone chastie.
Marie and Josep to Jhm sede
And ful ofte siþes him bede
