Josep to Jhu eode in þe stude
And axede him ȝwi bi sabat he so dude.
Jhc to gadere is hondene smot
Line 385
And louȝh so þat it dude him guod
And seide: fliene, forth fleo ȝe,
ȝwodere þat owere wille it beo!
þo flouwen forth þulke fliȝen
Bi fore him and oþur men.
Line 390
Some þat seiȝen þat merueile
þonkeden Jhc with guode wille.
Here cam a wickede giv and smot Jhm vnder þe ere bi fore þe princes, and þe giv ful a doun to grounde, and þe princes wrathþeden heom to ward Jhm and Josep.
SOne þare comen oþure alse [Ms. ursprünglich also; o ist in e verbessert.]
bi fore þe princes fikele and false
And seiden anon with heore sawes
Line 395
þat Jhc despisede heore lawes.
Jhc a midde þe place stod,
And þare cam on of heorte wod,
On of þe princes hine bi ȝat,
And Jhm ful euele he smot;
Line 400
Bote Jhc him stod ful stille,
þat ilke stroc him likede ille;
Nouȝht for þan with oute lesing
Of him he tok gret wreching: [Im Ms. ist nicht zu unterscheiden, ob wreching oder wrething zu lesen.]
He feol a doun ded þare a non
Line 405
Bi fore heom alle euerchon.
þare fore was Josep in grete fering,
For huy him eoden alle þretning.
