His misdedes he for ȝaf him sone
And alle þei þat with him come.
Jesus is ful of for ȝiuenesse,
So ful of loue and of blisse,
Line 290
þat he fur ȝiuez is wrathþing
To heom þat mis doth ani þing,
And huy wollen with hore talent
Comen to amendement.
þanne it is guod boþe loude and stille
Line 295
For to don al his wille,
For þat he wole is Joye him ȝiue
þat serueth him þe ȝwuyle he liueth;
þanne it is guod and sikernesse
For to wurche to habbe blisse.
Line 300
Here compasede ihc þe seue lawes and dude watur þare with inne. Ake a feolun giw him lette with is staf and fur|dude is lawes, and þare fore he deide a non riȝht þere.
ÞIs was þe fifte ȝer
þat ihc was i bore on eorþe her:
With oþur children of þe cite
Him for to pleiȝe þanne eode he.
þe children maden gret solas
Line 305
As þei ȝeoden in heore pas.
Huy wenden forth to þe Riuer,
þare huy founden þat watur cler.
Bote Jhu fol of pouste
Made þat watur drawe aȝe;
Line 310
þanne Jhu ful of miȝhte and grace
Cumpassede a druye place,
Watur þare with inne he brouȝte,
His lawes maken þare inne he þouȝte.
Bote a giw of heorte wrac
Line 315
Alle hise lawes þare he to brac.
Jhc him seide with hastiue wille:
A þou feondes sone of helle, [Ms. sone doppelt.]
