Welle stremes faire and clere
For mi Moder and for hire fere,
Line 160
For ich ire louie and habbe deore;
Do nou, treo, ase ich þe lere,
And ȝuyt ich þe comaundi, treo,
þat þou heonne forthþe ward beo
Fruyt berinde in paradis
Line 165
Jn Min orchard with oute mis,
And multepliinde þat þou beo
Of racines þat comieth of þe,
þat wellene springuen out of þi rote [folio 12]
With watur cler guod and swote.
Line 170
ȝwane Jhu crist ful of guodnesse
Hadde i seid wordes þusse,
Wellene clere in luyte stounde
Out of þe Rotene þare beoth i sprounge.
þo dronk Marie al hire fulle
Line 175
Swiþe williche of þat welle,
And Josep also þat i wilned it hadde
In his þouȝt he was ful glad,
And Josep maude al so gret feste,
More him likede þat ilke giste
Line 180
þane ani flechs i sode oþur i rost.
Jhm he þonkede alre most
Of al þat he heom dude er and þo.
Muche louede ore lauedi hire sone þo.
Here cam an Aungel and tok þreo braunches of þat treo and sette heom in paradis, and alle þulke þat þare bi side stoden weren ase huy weren dede for þe grete briȝhtnesse þat huy i seiȝen, and ihc confortede heom with is wordes.
TO þis treo ȝeot eft sone
Line 185
Spak Jhc godes sone:
Of þe braunches þat þou berst i wis
Schullen beon set in paradys.
An Aungel wel sone cam
