Altenglische legenden ...

                                
                                  To some men he lenyþ some, : & to some men echon;
                                
                                  þe more þat he vs lenyþ, : þe more þonk is þer on.
                                  Line 730 
                                
                                  þe worldis good is nouȝte oure, : for nouȝt it wele go, [Ms. it nouȝte:, mit wegpunktirtem n, u. t in nouȝte aus r (oder þ) corrigirt; es ist wol zu lesen is nouȝt(e); in der 2. Hlbz. sollte es heissen for for nouȝt.] 
                                
                                  & for it wole by on whyle : aȝen come vs two;
                                
                                  & now it wole al clene : erþelich men forsake, [u. 4 Im Ms. nicht deutlich ob wole oder wele zu lesen.] 
                                
                                  & now it wole holliche : to aman hym be take.
                                
                                  To an heep of snowȝ : likene it I may,
                                  Line 735 
                                
                                  þt is to day wel breme, : & to morw molt a way.
                                
                                  Erþeliche good he haþ me be nome, : þt me ne trist nouȝt,
                                
                                  But myne fyf witt̛ : he haþ be nome nouȝt.
                                
                                  After his lyk nesse : he haþ mad me,
                                
                                  & to my seruise ȝoue : al þt I may se;
                                  Line 740 
                                
                                  He haþ me grantid : þat I haue knowleching
                                
                                  Of good & of harm, : to kepe me fro sinnyng.
                                
                                  To his blis he haþ me clepid : þorw his holy grace,
                                
                                  & in heuin he haþ mad : þt I haue aplace.
                                
                                  þerfore I hym wole honoure, : as ryȝt is,
                                  Line 745 
                                
                                  For þilke grete ȝ(i)ft̛, : ellis I dede amys. [Ms. ȝft̛ st. ȝift̛.] 
                                
                                  þo he þis herd, : his wil com hym wel blyue
                                
                                  þat þis pore mayde : he wold haue to wyue.
                                
                                  To here fadir he went, : & haþ of hym I bede
                                
                                  þat he hym to wyue ȝeue : his douȝter in þe stede.
                                  Line 750 
                                
                                  þe pore mon answerid: : vnkinde it were to þe, [Hinter to ist me wegpunktirt.] 
                                
                                  Soche apore womon : þy wif for to be.
                                
                                  Euer more þis child : bad wel ȝerne I wis;
                                
                                  & þe fadir answerid : & seyde to hym þis:
                                
                                  I ne may þis mayde : ȝeue þe nouȝt to spouse,
                                  Line 755 
                                
                                  Ȝif þu here wole lede : to þy fadir house;
                                
                                  For I ne haue no douȝter, : þou wost wel, but here on,
                                
                                  & I woot wel þat gret eld : is come me vppon; [folio 297] 
                                
                                  Ȝif þou wolt here haue, : sekir I segge þe
                                
                                  þat ȝe moot boþe : dwelle here wit me.
                                  Line 760 
                                
                                  þis ȝong mon answerid : wit speche wel stille:
                                
                                  Wit þe I wille be leue : & be at þy wille.

About this Item

Title: Altenglische legenden ...
Author: Horstmann, Carl, ed. b. 1851.
Canvas: Page 134
Publication: Paderborn,: F. Schöningh,; 1875.
Subject terms: English poetry; Legends

Technical Details

Collection: Corpus of Middle English Prose and Verse
Link to this Item: https://name.umdl.umich.edu/afy7823.0001.001
Link to this scan: https://quod.lib.umich.edu/c/cme/afy7823.0001.001/178:4

Rights and Permissions

The University of Michigan Library provides access to these materials for educational and research purposes. These materials are in the public domain. If you have questions about the collection, please contact [email protected]. If you have concerns about the inclusion of an item in this collection, please contact [email protected].

DPLA Rights Statement: No Copyright - United States

IIIF

Manifest: https://quod.lib.umich.edu/cgi/t/text/api/manifest/cme:afy7823.0001.001

Cite this Item

Full citation: "Altenglische legenden ..." In the digital collection Corpus of Middle English Prose and Verse. https://name.umdl.umich.edu/afy7823.0001.001. University of Michigan Library Digital Collections. Accessed June 24, 2025.

Altenglische legenden ...

Annotations Tools

Actions

About this Item

Technical Details

Rights and Permissions

Related Links

IIIF

Cite this Item