Altenglische legenden ...

                                
                                  Hadde þu me slaue : & þt ston take,
                                  Line 405 
                                
                                  Euere þu haddist be ryche : for þe ston̛ sake;
                                
                                  But for þu hast þe ston lore, : I wis þu hast mys do.
                                
                                  þo þe mon þis herd, : sykir hym was ful wo,
                                
                                  & for þe lore of þis ston : he gan to syke sore,
                                
                                  & þouȝte howȝ he myȝte : þe brid cacche more.
                                  Line 410 
                                
                                  Brid, he seyde, cum to me, : &, whil þu art alyue,
                                
                                  I wole þe finde at þy nede, : at hom wt my wyue;
                                
                                  Afeyr cage I wille make : for þe loue of þe,
                                
                                  & in ioy & in myrþ : þer in þu schalt be;
                                
                                  Moche þu schalt her after : haue þy wille;
                                  Line 415 
                                
                                  Ne be þu noþing a drad : þat me schal þe spille!
                                
                                  fforþ fley þis lyte brid, : & nold no leng abyde.
                                
                                  þis ȝong mon wente wit his bouȝ : euere be syde,
                                
                                  & prouid al þt he myȝt, : þs bryd for to sle.
                                
                                  þe wisdom̛, quaþ þe bryd, þt I þe tauȝt : þu hast lore alle þre;
                                  Line 420 
                                
                                  Herkene now how, : & I þe wolle telle.
                                
                                  Beter Is haue þan weche(!),: & go, ȝif þu schalt deyȝe, þan dwelle.
                                
                                  A ston, so gret as an ey, : how myȝt in my wombe be?
                                
                                  Al my body is nouȝt so gret, : as ech mon may se.
                                
                                  þu schet for to haue þt, : þou ne myȝt come þer two, [Vor þu fehlt wol þou.] 
                                  Line 425 
                                
                                  For I þe segge þu ne schalt : haue me neuere me.
                                
                                  Wel I woot þu art sory, : for þu me hast lore;
                                
                                  þu dost þer of folyȝe, : I for bede it þe be fore.
                                
                                  þ̛ it fariþ be men of þis world, : þat leueþ amys
                                
                                  Vppon here false god̛, : þt here oune werk is;
                                  Line 430 
                                
                                  þey sekeþ help of here god̛, : þt mowe nouȝt do,
                                
                                  & bydde of hem mony þing, : þt þey ne mowe come two;
                                
                                  Wel me may wite to sooþ : þt þey beþ deue & doumbe,
                                
                                  & hem selue helpe ne mowe, : sekir, in no stounde.
                                
                                  þis world is to hem lych; : who so trist þer two,
                                  Line 435 
                                
                                  Moche he worþ be gylyd, : al day we fynde so;
                                
                                  þu seyst þt þis world : tornyþ vp so doun;
                                
                                  Now mon is in feld, : & now he is in toun,
                                
                                  I ne finde nomon : þt may dayis þre
                                
                                  ffor noþing þat he may do : in one stede be;

                                  Line 440

About this Item

Title: Altenglische legenden ...
Author: Horstmann, Carl, ed. b. 1851.
Canvas: Page 125
Publication: Paderborn,: F. Schöningh,; 1875.
Subject terms: English poetry; Legends

Technical Details

Collection: Corpus of Middle English Prose and Verse
Link to this Item: https://name.umdl.umich.edu/afy7823.0001.001
Link to this scan: https://quod.lib.umich.edu/c/cme/afy7823.0001.001/169:4

Rights and Permissions

The University of Michigan Library provides access to these materials for educational and research purposes. These materials are in the public domain. If you have questions about the collection, please contact [email protected]. If you have concerns about the inclusion of an item in this collection, please contact [email protected].

DPLA Rights Statement: No Copyright - United States

IIIF

Manifest: https://quod.lib.umich.edu/cgi/t/text/api/manifest/cme:afy7823.0001.001

Cite this Item

Full citation: "Altenglische legenden ..." In the digital collection Corpus of Middle English Prose and Verse. https://name.umdl.umich.edu/afy7823.0001.001. University of Michigan Library Digital Collections. Accessed June 23, 2025.

Altenglische legenden ...

Annotations Tools

Actions

About this Item

Technical Details

Rights and Permissions

Related Links

IIIF

Cite this Item