Altenglische legenden ...

                                
                                  To bloue at his broþer ȝate, : to schewe his iugement.
                                  Line 300 
                                
                                  Allas, quaþ his broþer, : what haue I mys do nowe?
                                
                                  I here my lord̛ trompour : at my ȝate blowe,
                                
                                  Now I woot to soþe : þt I worþ vndo;
                                
                                  God woot þt I haue : nouȝt agilt þer to.
                                
                                  þis mon gan hym dyȝte : & mad his testament,
                                  Line 305 
                                
                                  ffor he wend to soþe : to be hangid or schent.
                                
                                  In foule cloþ̛ on morwȝ : to þe king̛ ȝate he com.
                                
                                  þo þe portor it wist, : fayre he him in nom,
                                
                                  & haþ hym fayre anon ryȝt : to fore þe king brouȝt.
                                
                                  To fore þe king he fel on kne, : & fayre hym be souȝt:
                                  Line 310 
                                
                                  I noot what I haue þe agilt : in word ne in þouȝt;
                                
                                  Haue mercy on me : for his loue þt þe bouȝt!
                                
                                  þan seyde þe king: : arys! what eyliþ þe?
                                
                                  I noot noþing þt þu hast : mys do a ȝen me;
                                
                                  Syre, me þinkeþ þu dredist : þe blast of my beme,
                                  Line 315 
                                
                                  I auȝt to dred sorere, : ȝif þu took ȝeme,
                                
                                  þilke lord̛ beme : þat god & mon is,
                                
                                  To whom boþe nyȝt & day : I do to moche amys;
                                
                                  I may deme þy body, : of þy soule haue I no myȝt,
                                
                                  & he may boþe body & soule : to his wille dyȝt;
                                  Line 320 
                                
                                  þy bodylich pyne : wold be doon in a day,
                                
                                  But þe pyne of þe soule, : þu wost wel, lastiþ ay.
                                
                                  þou me askedist ȝister day : a wel wondir þing:
                                
                                  Why I honourid pore men, : & I am so hy a king? [Im Ms. ist was wegpunktirt und I am übergeschrieben.] 
                                
                                  þat my lord̛ trompour̛ : I woot to soþe it were,
                                  Line 325 
                                
                                  þat boþe day & nyȝt : bloueþ in myn ere,
                                
                                  & biddiþ me þt I schold : come to mendement,
                                
                                  Lest I be to helle dampnid : þorwȝ pure iugement.
                                
                                  Allas þilke hard doom, : þat mon schal so be schent,
                                
                                  Whan þe wrecche soule : is to helle went!
                                  Line 330 
                                
                                  Now wost þe reson, : þt þu me askedist er; [hinter wost fehlt þow.] 
                                
                                  Sykir, leue broþer, : I dede it for fer.
                                
                                  þe king leet make : foure fatis anon.
                                
                                  þe tweyȝe he leet gilde wit out : & feyr be goon,

About this Item

Title: Altenglische legenden ...
Author: Horstmann, Carl, ed. b. 1851.
Canvas: Page 122
Publication: Paderborn,: F. Schöningh,; 1875.
Subject terms: English poetry; Legends

Technical Details

Collection: Corpus of Middle English Prose and Verse
Link to this Item: https://name.umdl.umich.edu/afy7823.0001.001
Link to this scan: https://quod.lib.umich.edu/c/cme/afy7823.0001.001/166:4

Rights and Permissions

The University of Michigan Library provides access to these materials for educational and research purposes. These materials are in the public domain. If you have questions about the collection, please contact [email protected]. If you have concerns about the inclusion of an item in this collection, please contact [email protected].

DPLA Rights Statement: No Copyright - United States

IIIF

Manifest: https://quod.lib.umich.edu/cgi/t/text/api/manifest/cme:afy7823.0001.001

Cite this Item

Full citation: "Altenglische legenden ..." In the digital collection Corpus of Middle English Prose and Verse. https://name.umdl.umich.edu/afy7823.0001.001. University of Michigan Library Digital Collections. Accessed June 23, 2025.

Altenglische legenden ...

Annotations Tools

Actions

About this Item

Technical Details

Rights and Permissions

Related Links

IIIF

Cite this Item