Altenglische legenden ...

                                
                                  Ac naþeles for þe grete hope . his elde ne greuede him nouȝt.
                                
                                  He was glad, þo he isay . þis child and is moder marie,
                                
                                  And þe wordes þat ich abbe itold . seide in his prophecie.
                                
                                  And þe wordes þat he seide þo, . & þe schepherdes bi fore,
                                  Line 895 
                                
                                  Gret wonder brouȝte to al þe lond . of ihū, þat was ibore.
                                
                                  Marie and iosep wondreden ek, . as þe gospel telleþ vs
                                
                                  A seint siluestres eue þat is irad, . þat bi gynneþ þus:
                                
                                  Ihc moder and iosep, . þat as his fader was, [A. R.: Erant pater et mater ihū; s. Luc. 2, 33.] 
                                
                                  Wondreden þat was iseid . of him and of þat cas. [Vor þat fehlt of.] 
                                  Line 900 
                                
                                  Symeon blessede hem . and seide to marie,
                                
                                  þat is swete moder was, . as in prophecie: [Ms. modes.] 
                                
                                  Lo þis child is iset . as in doun vallinge
                                
                                  To monie men in isrl, . & to monie in vprisinge,
                                
                                  And in tokninge, þat worþ . wiþ seid of moni mon,
                                  Line 905 
                                
                                  And þe swerd schal of him . þorw þi soule gon,
                                
                                  þat þe þouȝt of manie herte . þorw þe ischowed beo.
                                
                                  þo tokninge of þis prophecie . somwhat we moten iseo: [Ms. þo st. þe.] 
                                
                                  þe doun vallinge was tokninge . þt oure lord was ibrouȝt
                                
                                  Anerþe, to bringen hem to helle . þat on him ne leuede nouȝt;
                                  Line 910 
                                
                                  Vor heo ne miȝten neuereft . vinde non encheson,
                                
                                  þat he ne bouȝte hem dere inow . wiþ is passion.
                                
                                  þat he seide þat oure lord cam . in moni monnes vprisinge,
                                
                                  What was, bote he wolde . alle vs to heuene bringe? [Nach was fehlt hit.] 
                                
                                  þat scholde er as bi eritage . in deope helle deiȝe,
                                  Line 915 
                                
                                  Vrom helle he made hem vp arise . in to heuene an heiȝe.
                                
                                  þat symeon bi oure ledi seide, . þt hire sone swerd wel kene
                                
                                  þorw hire soule passe scholde, . hit was seþþe wel sene:
                                
                                  Vor þis swerd was oure lordes deþ, . þat þorw hire herte wende
                                
                                  Vnder þe rode, þo heo isay . þe giwes him to rende.
                                  Line 920 
                                
                                  þat þis scholde beo . wiþ said of moni mon,
                                
                                  þat were þe luþere giwes . him wolden wiþ sigge anon.
                                
                                  þat þorw him ischewed scholde be . moni monnes þouȝt,
                                
                                  þat was þt, er he come, . siker nas hit nouȝt,
                                
                                  Whuch men were wiþ him . oþer aȝen him wolde beo;
                                  Line 925 
                                
                                  Ac anon þo he was icome on erþe, . þat soþe me miȝte iseo;

About this Item

Title: Altenglische legenden ...
Author: Horstmann, Carl, ed. b. 1851.
Canvas: Page 101
Publication: Paderborn,: F. Schöningh,; 1875.
Subject terms: English poetry; Legends

Technical Details

Collection: Corpus of Middle English Prose and Verse
Link to this Item: https://name.umdl.umich.edu/afy7823.0001.001
Link to this scan: https://quod.lib.umich.edu/c/cme/afy7823.0001.001/145:3.2

Rights and Permissions

The University of Michigan Library provides access to these materials for educational and research purposes. These materials are in the public domain. If you have questions about the collection, please contact [email protected]. If you have concerns about the inclusion of an item in this collection, please contact [email protected].

DPLA Rights Statement: No Copyright - United States

IIIF

Manifest: https://quod.lib.umich.edu/cgi/t/text/api/manifest/cme:afy7823.0001.001

Cite this Item

Full citation: "Altenglische legenden ..." In the digital collection Corpus of Middle English Prose and Verse. https://name.umdl.umich.edu/afy7823.0001.001. University of Michigan Library Digital Collections. Accessed June 22, 2025.

Altenglische legenden ...

Annotations Tools

Actions

About this Item

Technical Details

Rights and Permissions

Related Links

IIIF

Cite this Item