Altenglische legenden ...

                                
                                  Oure lord ne nom neuer of sunne . so gret wreche non.
                                
                                  þer me may seo : of alle sunne . þer aȝen non nis,
                                  Line 685 
                                
                                  So gret heo is þat men ne scholde it nempne . bote in warninge iwis;
                                
                                  So foul heo was þat god nolde . þat heo bi laften aliue
                                
                                  In mannes fourme, þat he nam; . þer fore he let hem to driue.
                                
                                  Sterren honureden oure lord, . þo he was ibore; [A. R.: Stella.] 
                                
                                  Vor balaam þe prophete seide . vele hondred ȝer bi fore:
                                  Line 690 
                                
                                  þat asterre springe scholde . of Jacobs kuinde.
                                
                                  Euer eft þe heiȝemen of þe lond . þe sterren hedden in muinde;
                                
                                  Heo beden þat among hem moste . som tokninge þer of come.
                                
                                  So þat þe hexte men of þe lond . a conseil hedden inome:
                                
                                  Twelf stalewarde men to wake . vche niȝt heo toke
                                  Line 695 
                                
                                  Vpon an heiȝ hul al longe niȝt, . after þulke sterre loke. [Vor loke fehlt to.] 
                                
                                  þo oure lord was ibore, . as he wolde þat it were,
                                
                                  þe þreo kinges come for þulke sterre . to loke þer after þere,
                                
                                  Ȝif heo miȝten ouȝt þer of iseo; . þe oking het Jaspar,
                                
                                  þe oþer het melchior, . þe þridde baltazar.
                                  Line 700 
                                
                                  In orisons heo weoren longe . þat oure lord hem sende
                                
                                  Som tokninge of þulke sterre, . ar heo hamward wende.
                                
                                  þo seiȝen heo in heuene a sterre . swiþe briȝt, as heo stode,
                                
                                  A midde þe sterre achild . al blodi on þe rode.
                                
                                  þo bigan þat child to speke: . goþ now bi liue, he sede, [folio 35] 
                                  Line 705 
                                
                                  Toward þe lond of Jude! . anoþer sterre ow schal lede;
                                
                                  þer ȝe schulen finde achild ibore, . king of alle kinge,
                                
                                  Of whom ȝe desireþ so muche . to wite som tokninge.
                                
                                  þo lokeden heo, as it est ward were, . anoþer sterre heo seiȝe;
                                
                                  So cler þing ne so briȝt . heo ne seiȝe neuer wiþ eiȝe.
                                  Line 710 
                                
                                  Glade heo weren, þo heo seiȝe . þat heo wilneden so longe.
                                
                                  Vpe dromedaries heo wenden forþ, . þt swifte beþ and stronge
                                
                                  And best duringe of alle bestes, . for noþer hors ne muile
                                
                                  Ne scholde so gret awei habbe igo . in so lute while.
                                
                                  Al how heo souȝten oure lord, . þe gospel telleþ vs
                                  Line 715 
                                
                                  þat me rat atwelfþe day; . þat bigynneþ þus:
                                
                                  þo ihc was ibore . in bedleem of Jude, [A. R.: Cum natus ēet ihc in bedleem; s. Math. 2, 1.] 
                                
                                  Bi eroudes day þe king, . lo þe kinges þreo [Ms. Hieroudes.]

About this Item

Title: Altenglische legenden ...
Author: Horstmann, Carl, ed. b. 1851.
Canvas: Page 95
Publication: Paderborn,: F. Schöningh,; 1875.
Subject terms: English poetry; Legends

Technical Details

Collection: Corpus of Middle English Prose and Verse
Link to this Item: https://name.umdl.umich.edu/afy7823.0001.001
Link to this scan: https://quod.lib.umich.edu/c/cme/afy7823.0001.001/139:3.2

Rights and Permissions

The University of Michigan Library provides access to these materials for educational and research purposes. These materials are in the public domain. If you have questions about the collection, please contact [email protected]. If you have concerns about the inclusion of an item in this collection, please contact [email protected].

DPLA Rights Statement: No Copyright - United States

IIIF

Manifest: https://quod.lib.umich.edu/cgi/t/text/api/manifest/cme:afy7823.0001.001

Cite this Item

Full citation: "Altenglische legenden ..." In the digital collection Corpus of Middle English Prose and Verse. https://name.umdl.umich.edu/afy7823.0001.001. University of Michigan Library Digital Collections. Accessed June 22, 2025.

Altenglische legenden ...

Annotations Tools

Actions

About this Item

Technical Details

Rights and Permissions

Related Links

IIIF

Cite this Item