Here eode Jhesus into þe giwene scole and desputede with heom, and Marie is Moder hine cleopede, and he cam to hire wel sone.
JOsep and Marie bi leued beoth
Line 1680
In Jerusalem þat hiȝe cite;
Aftur þat huy turneden a ȝe
And Jhm bi hinden heom bi lefte he.
To þe giwene scole Jhus him tok,
And he gan loken on heore bok;
Line 1685
Al aday he desputede with heom
With questiones and heom ouercam.
þo was Jhus of twelf ȝer,
þo he desputede with heom þer.
þreo dawes hire sone souȝte Mari, [dawas, anscheinend im Ms. bereits in dawes corrigirt.]
Line 1690
And for him heo was ful sori;
þene feorþe day heo fond ihm ate laste
Plaidinde a ȝen þe giwes faste,
And heo hine cleopede and hadde gret Joie,
And so wenten forth in heore weie.
Line 1695
Sone, we habbez þe i souȝt wide,
Josep and manie of þi kunrede,
And for þe we habbez i beo in sorinesse.
Jhesus answerede with meoknesse:
Ich habbe vnder nome, mi leoue moder,
Line 1700
To done þat me hiet mi fader;
ȝware fore it moste nede beo so,
For he it me hiet forto do.
þo seide marie to Jesum:
Ine vnder stod nouȝt þat þou haddest to don.
Line 1705
Wel heo wuste þat Jesu
I fuld was of gret vertu.
Here weren giwes i sete to þe mete, and win hem faillede, and Marie tolde hire sone fore priueliche.
IN þe contre of Nazareth
So was þere a gret a semble
