ant bringeþ me to grounde:
When y shal henne te,
Ynot whider y fle;
forþi y sike vnbestounde."
Line 120
"y sike & sorewe sore,
ne may y be namore
mon as y was þo.
ys hit no wiht ȝore, [no wiht, ms. no whiþ.]
þat y bigon to hore;
Line 125
elde is nou my fo.
y wake as water in wore;
iesu crist, þin ore!
why is me so wo?"
"þicke y was ant riht,
Line 130
of wordes wis & lyht, [of wordes ist abhängig von "wis & lyht".]
as ich vnderstonde;
of belte y wes briht,
ant louelyche ydiht,
ant fayrest mon of londe."
Line 135
"When foules singeþ on rys,
y mourne & serewe ywis,
þat vnneþe y go.
þis world wicked is,
& þat ȝe wyten ywys,
Line 140
Hit is byfalle so":
"Reuthful is my red;
Hue makeþ me selde gled,
My wyf þat shulde be;
y dude as hue me bad,
Line 145
of me hue is asad;
euele mote hue þe!
Hue clepeþ me "spille bred";
serewe vpon hyre hed!
