þou cloþest him in feir shroud, [feir, ms. few.]
ant makest þy fomon fat & proud;
Line 80
ȝef y durste seyn:
þou dest þy selue muche wrong,
þou makest him bo fat & strong,
to fyhte þe aȝeyn.
do my counsail & my reed,
Line 85
wiþdrah hym ofte of is breed,
ant ȝef him water drynke;
Ne let hym noþing ydel go,
bote pyne do hym & wo,
ant ofte let hym swynke.
Line 90
Coueytise of mony þyng
þe world þe bringeþ in fleish lykyng, [in fleish lykyng ist attributive Bestim|mung zu "þe world".]
ant ȝeueþ þe more & more;
ffals he is, & feyr he semeþ,
alrebest when he þe quemeþ, [alrebest, ms. arlebest.]
Line 95
he byndeþ þe fol sore.
þenne shal he go to noht:
Nast þou noþing hyder ybroht,
Ne nout shalt buere wyþ þe;
þou shalt al one go þy wey,
Line 100
wiþ oute stede & palefrey,
wiþ oute gold & fee.
Lucifer, þat foule wyht,
þat wes him selue so feyr & bryht,
þurh prude fel to helle;
Line 105
wiþ foule wille & foul þoht
he fondeþ bringe þe to noht,
ant þe forte quelle.
