mon is mad of feble fom,
Ne haþ he no syker hom
Line 20
To stunte alle wey stille;
ys ryhte stude is elles wher;
Jesu, bring vs alle þer,
ȝef hit be þy wille!
þe fleysh stont aȝeyn þe gost;
Line 25
when þou shalt deȝe, ner þou nost,
Nouþer day ne nyht:
On stede ne sitte þou ner so heȝe,
ȝet alast þou shalt deȝe;
greyþ þe whil þou myht.
Line 30
In false wonyng is monnes lyf,
when deþ draweþ is sharpe knyf;
do þe sone to shryue;
ffor ȝef þou const loke ariht,
Nast þou noþyng bote fyht
Line 35
Whil þou art a lyue.
Nou þou hast wrong, & nou ryht,
Nou þou art heuy, & nou lyht,
þou lepest ase a roo;
Nou þou art sekest, & nou holest,
Line 40
Nou þou art rychest, & nou porest,
Nis þis muche woo?
þy fleysh ne swykeþ nyht ne day,
hit wol han eyse whil hit may,
ant þe soule sayþ: "nay,
Line 45
ȝef ich þe buere to muche meþ,
þou wolt me bringe to helle deþ,
ant wo þat lesteþ ay."
þus hit geþ bituene hem tuo,
þat on saiþ "let", þat oþer seyþ "do",
Line 50
ne conne hue nout lynne;
