[folio 81b] Ase y me rod þis ender day
Line 1
by grene wode to seche play,
mid herte y þohte al on a may,
Suetest of alle þinge;
Lyþe, & ich ou telle may
Line 5
al of þat suete þinge.
þis maiden is suete ant fre of blod,
briht & feyr, of milde mod;
alle heo mai don vs god
þurh hire bysechynge;
Line 10
of hire he tok fleysh & blod,
iesu crist, heuene kynge. [iesu crist, ms. ihc mit Querstrich durch h.]
wiþ al mi lif y loue þat may,
he is mi solas nyht & day,
my ioie, & eke my beste play,
Line 15
ant eke my louelongynge;
al þe betere me is þat day
þat ich of hire synge.
of alle þinge y loue hire mest,
my dayes blis, my nyhtes rest,
Line 20
heo counseileþ & helpeþ best
boþe elde & ȝynge;
nou y may ȝef y wole
þe fif ioyes mynge.
þe furst ioie of þat wynman,
Line 25
when gabriel from heuene cam,
ant seide god shulde bicome man,
ant of hire be bore,
& bringe vp of helle pyn
monkyn þat wes forlore.
Line 30
