"moder, now y shal þe telle,
ȝef y ne deȝe, þou gost to helle,
y þole ded for þine sake."
" 'sone, þou art so meke & mynde,
ne wyt me naht, hit is my kynde,
Line 35
þat y for þe þis sorewe make.' "
"moder, nou þou miht wel leren,
Whet sorewe haueþ þat children beren,
Whet sorewe hit is wiþ childe gon."
" 'Sorewe ywis, y con þe telle;
Line 40
bote hit be þe pyne of helle,
more serewe wot y non.' "
"moder, rew of moder kare, [Der Gedanke ist: Du kennst doch die Schmerzen, welche das Weib bei der Geburt eines Kindes zu erleiden hat. Nun, ich erdulde jetzt diese Pein, denn durch meinen Tod werden die Menschen, meine Kinder, zum ewigen Leben geboren. So erhöhe denn meine Schmerzen nicht durch dein Wehklagen.]
for nou þou wost of moder fare,
þou þou be clene mayden mon." [þou þou, das erste "þou" ist conj. (= "þah"), daher "ou" Diphthong.]
Line 45
" 'Sone, help at alle nede
alle þo þat to me grede,
maiden, wif, ant fol wymmon.' "
"moder, may y no lengore duelle,
þe time is come, y shal to helle,
Line 50
þe þridde day y ryse vpon."
" 'Sone, ywil wiþ þe founden,
y deye ywis for þine wounden,
so soreweful ded nes neuer non.' "
when he ros, þo fel hire sorewe,
Line 55
hire blisse sprong þe þridde morewe;
blyþe, moder, were þou þo!
