þat ich þare to worþi be;
make me worþi, þat art so fre.
Iesu, þou art so god a mon,
Line 145
þi loue yȝyrne al so y con;
þare fore ne lette me nomon,
þah ich for loue be blac ant won.
Iesu, al suete, iesu, al god,
þi loue drynkeþ myn heorte blod,
Line 150
þi loue me makeþ so swyþe wod,
þat y ne drede for no flod.
Iesu, þi loue is suete & strong,
mi lif is al on þe ylong!
tech me, iesu, þi loue song,
Line 155
wiþ suete teres euer among.
Iesu, do me to seruen þe,
wher in londe so y be;
when ich þe fynde, wel is me,
ȝef þou ne woldest awey fle.
Line 160
Iesu, ȝef þou be from me go,
mi soule is fol of serewe ant wo;
whet may isugge bote "wolawo!"
when mi lif is me atgo?
Iesu, þin ore! þou rewe of me;
Line 165
for whenne shal ich come to þe?
Iesu, þi lore biddeþ me,
wiþ al myn herte louie þe.
Iesu, mi lif, iesu, my kyng,
my soule haueþ to þe ȝyrnyng;
Line 170
when þi wille is, to þe hire bryng,
þou art suetest of alle þyng.
Iesu, þat deore bohtest me, [bohtest, ms. bostest, wahrscheinlich für "boþtest"; vgl. H. 72.]
make me worþi come to þe,
