al þat is nede þou me bryng;
Line 115
to haue þi loue is my ȝyrnyng.
iesu, mi lif, of milde mod,
mi soule haþ gret neode of þi god;
tak hire treufole ant þolemod,
ant ful hire of þi loue blod.
Line 120
Iesu, my soule, bidde y þe,
eueremore wel vs be; [Es ist wahrscheinlich, dass wir hinter v. 122 wie hinter v. 124 die Auslassung je zweier Zeilen anzunehmen haben, da 1) alle übrigen Strophen nur einen Reim haben, und 2) die Anrede "Iesu" mit wenigen Aus|nahmen (v. 107, 108 u. 167) nur im Eingange der Strophe sich zeigt.]
Iesu, al myhtful heuene kyng,
þi loue is a wel derne þing.
Iesu, wel mai myn herte se,
Line 125
þat milde & meoke he mot be;
alle vnþewes & lustes fle, [fle ist cj., "mögen fliehen".]
þat felen wole þe blisse of þe.
Iesu, þah ich be vnworþi
to loue þe, louerd al mihti,
Line 130
þi loue me makeþ to ben hardy,
ant don me al in þin merci.
Iesu, þi mildenesse froreþ me, [froreþ, vgl. "froryng", M. P. 162.]
for no mon mai so sunful be,
ȝef he let sunne, ant to þe fle,
Line 135
þat ne fynd socour at þe.
for sunful folk, suete iesus,
þou lihtest from þe heȝe hous;
pore & loȝe þou were for ous,
þin heorte loue þou sendest ous.
Line 140
Iesu, forþi byseche y þe,
þi suete loue þou graunte me,
