þat is þy soule note ant frame,
ant make myn herte milde & tame
Iesu, al þat is fayr to se,
al þat to fleyhs mai likyng be, [Die Schreibart "fleyhs" für "fleysh" kommt mehrfach vor, ich ändere sie daher (ebenso wie "ht" für "th") nicht.]
Line 90
al worldes blisse to leten, me
graunte, for þe loue of þe. [91, 92. Die Hand|schrift hat an den Stellen, wo diese Verse Kommata zeigen, die von der Hauptlinie nach rechts schräg aufsteigenden Striche, durch welche sie in allen anderen Fällen das Versende bezeichnet.]
Iesu, in þe be al my þoht,
of oþer blisse ne recchy noht,
when ich of þe mai felen oht,
Line 95
þenne is my soule wel ywroht.
iesu, ȝef þou for letest me,
what may me like of þat yse? [what may me like: Die Lesart der Handschrift: "what may mi likyng" ist unverständlich.]
mai no god blisse wiþ me be,
o þat þou come aȝeyn to me.
Line 100
Iesu, ȝef þou bist ȝeorne bysoht:
when þou comest, ant elles noht,
no fleishlich lust, ne wicked þoht
in to myn heorte ne be ybroht.
Iesu, mi soule is spoused to þe,
Line 105
ofte ych habbe misdon aȝeynes þe;
iesu, þi merci is wel fre,
iesu, merci! y crie to þe.
iesu, wiþ herte þi loue y craue,
hit bihoueþ nede þat ich hit haue;
Line 110
þe deu of grace vpon me laue,
ant from alle harmes þou me saue.
iesu, from me be al þat þyng,
þat me may be to mislikyng;
